💕💐 Дойдуга Дьиэ кэргэн, таптал уонна бэриниилээх буолуу күнүн көрсө Түмүк нэһилиэгин олохтоохторо Валентина Давыдовна, Евгений Егорович Федоровтар Кыһыл көмүс сыбаайбаларын бэлиэтээтилэр.
Федоровтар дьиэ кэргэн 1974 сыллаахха ыал буолан, 5 оҕону күн сирин көрдөрөн, үөрэхтээх, үлэһит оҥортоон күн бүгүн Түмүк нэһилиэгин, Ньурба оройуонун киэн туттар ытык ыаллара буолаллар. Өр сылларга үөрэҕирии эйгэтигэр үлэлээн, сүүһүнэн оҕоҕо куорсун анньан көтүтэн, дьон-сэргэ махталын ылбыт ытыктанар учууталлар.
Түмүк нэһилиэгин дьоһун ыалыгар улуус баһылыга Алексей Иннокентьев аатыттан эҕэрдэ суругу баһылык солбуйааччыта Наталия Петрова туттарда. Маны тэҥэ Түмүк нэһилиэгин баһылыга Дмитрий Егоров Евгений Егоровичка «Түмүк нэһилиэгин Бочуоттаах олохтооҕо» бэлиэни туттарда.
✍🏻 «Ньурба» хаһыат