Олунньу 17 күнүгэр П.С. Егоров аатынан Акана орто оскуолатыгар 6-11 кылаас уоланнарыгар «Билим 2026» дьыалабыай күрэх буолан ааста.
Күрэх сыала: Ийэ тылынан киэн туттуу, өрө тутуу, тутуллар эйгэтин кэҥэтэргэ туруулаһыы, үлэлээһин.
Уоланнар үс хамаандаҕа хайдыһан үлэлээтилэр. Ол курдук, «Хотойдор» — хамандыыр 8 кылаас үөрэнээччитэ Николаев Ньургун; «Акана» хамаанда — хамандыыр 10 кылаас үөрэнээччитэ Ефремов Айтал; «Мохсоҕоллор» хамаанда — хамандыыр Барабанскай Григорий.
Уоланнар 5 түһүмэххэ бэйэлэрин тургуттулар.
Бастакы түһүмэх — хамаанданы билиһиннэрии. Иккис түһүмэх «Дойдум салайааччылара — мин харахпынан». Уоланнар талан ылбыт дойду салайааччыларын туһунан тус санааларын этиннилэр.
Үһүс «Өркөн Өй» түһүмэххэ хамаандыырдар кииристилэр. «Айыы умсулҕана» түһүмэххэ уоланнар талан ылбыт хоһоон строкатыгар салгыы эбэн хоһоону ситэрдилэр. Бэһис түһүмэх «Төрөөбүт тыл — норуот баайа» медиатон. Манна бэриллибит тиэмэҕэ ыстатыйа суруйан холоннулар.
Күрэх түмүгүнэн «Билим 2026» кыайыылааҕынан «Хотойдор» хамаанда буолла уонна «Бастыҥ хамандыыр» анал ааты Николаев Ньургун ылла.
Кыайыылаахтарга добун сурук, бириис туттарылынна. Хамаандалар көхтөөх кыттыыларын иһин туоһу суругунан наҕараадаланнылар.
Соркомова А.П., тэрийээччи педагог, «Кустук» миэдийэ-киин салайааччыта.