Бүгүн Ньурбабыт оройуонун култууратын сайдыытыгар, устуоруйатыгар ураты суолталаах бэлиэ күн үүннэ! 2022 сылтан Саха Өрөспүүбүлүкэтин Ил Дархана Айсен Сергеевич Николаев төрүт култуураны үйэтитэр ытык-мааны дьоммутугар истипиэндьийэ аныыр. Бу бүгүн үөрүүлээх быһыыга-майгыга биһиги биир дойдулаахтарбыт, Ньурба оройуона сайдарын туһугар туруулаһар күндү дьоммут, Култуура Департаменын салайааччыта, Саха Өрөспүүбүлүкэтин култууратын Үтүөлээх үлэһитэ, Аар Дархан этээччи Розалия Михайловна Тихонова, Саха Өрөспүүбүлүкэтин Дархан Ууһа, Саха Өрөспүүбүлүкэтин норуотун маастара Владимир Иванович Саввинов туттулар👏👏👏.
Саха норуота омук быһыытынан сайдар саҕахтарын туһугар сүрэхтэрин баҕатын ууран туран үлэлиир-хамсыыр, айар-тутар, кэрэни эрэ кэрэһэлиир, норуоппут үтүө үгэстэрин сырдатар, тарҕатар, үөрэтэр үтүөкэннээх дьоммутун итиитик-истиҥник эҕэрдэлиибит, махтанабыт уонна үөрүүгүтүн үллэстэбит! Бу ситиһии эһигини өссө үрдүк чыпчаалларга кынаттаатын, айымньылаах олоххутун оһуорунан киэргэттин диэн баҕа санаабытын тириэрдэбит!
16+