Бүгүн киэһэ Ньурба к. «Кыталык» КД-гар баянист, хоһоонньут, уһуйааччы, матыып айааччы Тимофей Шестаков-Чоххуруос 75 сааһыгар аналлаах, «Айар кутум алыба» айар киэһэтэ ыытылынна.
Тимофей Иванович айар куттаах доҕотторо- табаарыстара кини хоһооннорун ааҕан, кини баянынан доҕуһуолунан ылбаҕай ырыалары ыллаан-ыллаһан, көрөөччүлэргэ истиҥ иэйиилэри бэлэхтээтилэр.
Юбилярга элбэх истиҥ-иһирэх эҕэрдэ тыллара ананнылар, бэлэх-туһах туттарылынна. Тимофей Шестаков култуура эйгэтигэр өр сыллаах айымньылаах үлэтэ сыаналанан, «Ньурба улууһун култууратын бочуоттаах бэтэрээнэ», «Ньурба куорат социальнай-экэнэмиичэскэй сайдыытыгар кылаатын иһин» бэлиэлэринэн наҕараадаланна.
Геннадий Антонов