П.С.Егоров аатынан Акана орто оскуолата Оҕо көмүскэлин күнүгэр М.Н.Петрова-Тойуктаах Марыына аатынан элбэх аналлаах култуура уонна успуорт киинигэр үөрэх дьылын түмүгүнэн Бастыҥнары бэлиэтиир түһүлгэни тэрийэн ыытта.
Бастыҥтан бастыҥнарга — билии аартыгар дьулуурдаахтык хардыылаабыт, үөрэххэ, олимпиадаларга, кэмпириэнсийэлэргэ, успуорка, айар үлэҕэ, оҕо хамсааһыныгар чаҕылхай ситиһиилээх, оскуола олоҕор көхтөөх оҕолорго анал ааттар, өйдөбүнньүк мэтээллэр, бастыҥ көрдөрүүлээх учууталларга хайҕал суруктар, статуэткалар, көхтөөх төрөппүттэргэ махтал суруктар үөрүүлээх быһыыга-майгыга туттарылыннылар.
«Бастыҥ олимпиадник» анал ааты ыллылар оройуоннааҕы саха тылын, литэрэтиирэтин, уруһуйга олипиадаларын кыайыылааҕа, обществознаниеҕа призера, оройуоннааҕы үөрэнээччилэр метатурнирдарын кыайыылаҕа 7 кылаас туйгун үөрэнээччитэ Неустроева Нарыйаана уонна ОБЗР олимпиадатыгар оройуон кыайыылааҕа, өрөспүүбүлүкэ призера, оройуоннааҕы үөрэнээччилэр метатурнирдарыгар кыайыылааҕа 11 кылаас туйгун үөрэнээччитэ Барабанскай Григорий.
Неустроева Нарыйаана
«Бастыҥ чинчийээччи» анал аат туһааннааҕынан буоллулар: Бүтүн Арассыыйатааҕы «Человек и мир» научнай-чинчийэр кэмпириэнсийэ 3-с истиэпэннээх дипломана, өрөспүүбүлүкэтээҕи «Я познаю мир», Марха түөлбэтинээҕи Куххата ааҕыыларын кыттыылааҕа, 4 кылаас үөрэнээччитэ Николаев Айаал; сахалыы тылынан ыытыллар «Барҕарыы» үөрэнээччилэр кэмпириэнсийэлэрин оройуоннааҕы уонна өрөспүүбүлүкэтээҕи түһүмэҕин лауреата, өрөспүүбүлүкэтээҕи «Память предков: генеалогия моей семьи», «Өбүгэ үгэһин утума» кэмпириэнсийэлэр 3-с истиэпэннээх дипломана, Марха түөлбэтинээҕи Куххата ааҕыыларын «Бастыҥ дакылааччыта», 8 кылаас үөрэнээччитэ Николаев Ньургун; оройуоннааҕы «Инникигэ хардыы» научнай-чинчийэр кэмпириэнсийэ 2-с истиэпэннээх дипломана, өрөспүүбүлүкэтээҕи түһүмэҕин кыттыылааҕа, өрөспүүбүлүкэтээҕи «Археология и краеведение Якутии: новые вопросы к прошлому» кэмпириэнсийэ 3-с истиэпэннээх дипломана, 11 кылаас үөрэнээччитэ Шилеув Тамерлан.
Николаев Айаал
«Бастыҥ лиидэр» анал ааты ыллылар оскуола «Движение первых» сүбэтин бэрэссэдээтэлэ, «Сахалыы эйгэ – оҕо түмсүүтүгэр» сахалыы тыыннаах коммунарскай түмсүү көхтөөх кыттааччыта, оройуоннааҕы «Үрдэлгэ сыдьаайар сулустар» коммунарскай түмсүүгэ «Куйаар дуораана-2026» ырыа күрэһин кыайыылааҕа, «Факел-2026» байыаннай спортивнай оонньуу буулдьанан ытыы түһүмэҕин 3-с бириистээҕэ, 8 кылаас үөрэнээччитэ Васильева Эвелина уонна «Дьулус» оҕо түмсүүтүн президенэ, «Сахалыы эйгэ – оҕо түмсүүтүгэр» сахалыы тыыннаах коммунарскай түмсүү көхтөөх кыттааччыта, оройуоннааҕы «Үрдэлгэ сыдьаайар сулустар» коммунарскай түмсүүгэ «Куйаар дуораана-2026» ырыа күрэһин кыайыылааҕа, 10 кылаас үөрэнээччитэ Жиркова Вера.
Васильева Эвелина
«Бастыҥ спортсмен» анал ааты ыллылар: Бүлүү бөлөх «Мадьыны» мас тардыһыытын күрэҕин, оройуоннааҕы «Көрдөөх стартар» кыттыылааҕа, оскуола алын сүһүөҕүн уолаттарыгар ыытыллыбыт сахалыы дэгит күрэс 3-с бириистээҕэ, 4 кылаас үөрэнээччитэ Петров Борис; оройуоннааҕы, өрөспүүбүлүкэтээҕи мас тардыһыытын күрэҕин кыайыылааҕа, хас да төгүллээх бириистээҕэ, Чувашия өрөспүүбүлүкэтигэр Чебоксар куоракка ыытыллыбыт мас тардыһыытыгар Арассыыйаҕа биирдиилээн бастыыр иһин күрэх кыттыылааҕа, 8 кылаас үөрэнээччитэ Николаев Рустам; Амурскай уобалас Благовещенскай куоратыгар ыытыллыбыт мас тардыһыытыгар уонна гиирэ анньыытыгар «POWER AMUR» күрэх 2-с бириистээҕэ, оройуоннааҕы мас тардыһыытын күрэҕин кыайыылааҕа, оройуоннааҕы «Өбүгэлэр оонньууларын» 2-с бириистээҕэ, Бүлүү бөлөх мас тардыһыытын күрэҕин 2-с бириистээҕэ, өрөспүүбүлүкэтээҕи мас тардыһыытын күрэҕин кыттыылааҕа, 9 кылаас үөрэнээччитэ Федоров Анатолий.
Петров Борис
«Оскуола эрэлэ» анал аат туһааннааҕынан буоллулар: Марха түөлбэтин алын кылаас үөрэнээччилэригэр саха тылын, математика олимпиадаларын кыайыылааҕа, нуучча тылын олимпиадатын 3-с бириистээҕэ, аангылыйа тылыгар өрөспүүбүлүкэтээҕи «Language Bridge» кэтэхтэн олимпиада кыайыылааҕа, дуобакка III юношескай разрядтаах 3 кылаас туйгун үөрэнээччитэ Васильева Сайнаара; саха тылын, литэрэтиирэтин уонна төрүт култууратын өрөспүүбүлүкэтээҕи метапредметнэй олимпиадатын 3-с бириистээҕэ, «Барҕарыы» үөрэнээччилэр кэмпириэнсийэлэрин оройуоннааҕы уонна өрөспүүбүлүкэтээҕи түһүмэхтэрин 3-с истиэпэннээх дипломана, 8 кылаас үөрэнээччитэ Солтуева Мария; ОБЗР-га үөрэнээччилэр Бүтүн Арассыыйатааҕы олимпиадаларын оройуоннааҕы түһүмэҕин кыайыылааҕа, өрөспүүбүлүкэтээҕи түһүмэҕин кыттыылааҕа, «I speak» оройуоннааҕы аангылыйа тылынан араатардар күрэхтэрин 2 бириистээҕэ 9 кылаас үөрэнээччитэ Гуляева Лилия.
Васильева Сайнаара
«Айар үрдэл» анал ааты ыллылар өрөспүүбүлүкэтээҕи “Парад снеговиков” оҥоһук күрэҕин 3-с истиэпэннээх лауреата, өрөспүүбүлүкэтээҕи “Моя Отчизна” оҥоһук күрэҕин 2-с истиэпэннээх лауреата, өрөспүүбүлүкэтээҕи “Легомир-2026” күрэх 1-кы истиэпэннээх лауреата, өрөспүүбүлүкэтээҕи «В мире космоса» уруһуй күрэҕин 2-с истиэпэннээх лауреата, V өрөспүүбүлүкэтээҕи «Пернатым друзьям» экологический күрэх 1 истиэпэннээх дипломана, 3 кылаас үөрэнээччитэ Федотова Уйгууна уонна Өрөспүүбүлүкэтээҕи «Звезды Туймаады» күрэх «Сказания Туймаады» уруһуй күрэҕин кыайыылааҕа, «Маһы хаһан оҥоһук оҥорууга» тус бырайыак ааптара 10 кылаас үөрэнээччитэ Шилеув Батырхан.
Федотова Уйгууна
«Ситиһиилээх үөрэнээччи» анал ааты ыллылар: кэтэхтэн ыытыллыбыт өрөспүүбүлүкэтээҕи математика, саха тылын олимпиадаларыгар 2-с миэстэлээх, нуучча тылыгар 3 миэстэлээх, оройуоннааҕы «Көрдөөх стартар» кыттыылааҕа, 4 кылаас туйгун үөрэнээччитэ Афанасьева Айталыына; саха тылыгар уонна литэрэтиирэтигэр оройуоннааҕы олимпиадалар призердара, саха тылын, литэрэтиирэтин уонна төрүт култууратын өрөспүүбүлүкэтээҕи метапредметнэй олимпиадатын 2-с бириистээҕэ, кэтэхтэн ыытыллыбыт Бүтүн Арассыыйатааҕы «Человек и мир» научнай-чинчийэр кэмпириэнсийэ 3-с истиэпэннээх дипломана, оройуоннааҕы «Үрдэлгэ сыдьаайар сулустар» коммунарскай түмсүүгэ «Куйаар дуораана-2026» ырыа күрэһин кыайыылааҕа, 6 кылаас үөрэнээччитэ Мигалкина Уйгууна; кэтэхтэн ыытыллыбыт Бүтүн Арассыыйатааҕы «Человек и мир» научнай-чинчийэр кэмпириэнсийэ 2-с истиэпэннээх дипломана, саха тылыгар уонна литэрэтиирэтигэр үөрэнээччилэр Хотугулуу илиҥҥи олимпиадаларын финалиһа, 9 кылаас үөрэнээччитэ Иванова Саина.
Афанасьева Айталыына
«Билиигэ дьулуур» анал аат туһааннааҕынан буоллулар: саха тылыгар уонна литэрэтиирэтигэр кэтэхтэн ыытыллыбыт өрөспүүбүлүкэтээҕи олимпиада 2-с бириистээҕэ, өрөспүүбүлүкэтээҕи «Звезды Туймаады» хоһоон ааҕыытын күрэҕин 2-с истиэпэннээх дипломана, 2 кылаас үөрэнээччитэ Иванова Алиана; биологияҕа үөрэнээччилэр Бүтүн Арассыыйатааҕы олимпиадаларын оройуоннааҕы түһүмэҕин призера, Марха түөлбэтинээҕи Куххата ааҕыыларын 2-с миэстэлээҕэ, оройуоннааҕы, Бүлүү бөлөх улуустарыгар ыытыллыбыт мас тардыһыытын күрэҕин кыайыылааҕа, 7 кылаас үөрэнээччитэ Афанасьев Айгылаан; ОБЗР-га үөрэнээччилэр Бүтүн Арассыыйатааҕы олимпиадаларын оройуоннааҕы түһүмэҕин призера, оройуоннааҕы Өбүгэлэр оонньууларын, хабылык, хаамыска күрэҕин 3-с бириистээҕэ, 9 кылаас үөрэнээччитэ Афанасьева Камилла.
«Сыл арыйыыта» анал ааты ыллылар: 1 кылаас кэлэктиибэ (сал. Васильева М.А.) XIII Аан дойдутааҕы “Бриллиантовые нотки” күрэх чэрчитинэн ыытыллыбыт Бүтүн Арассыыйатааҕы “Зима начинается с Якутии” бэстибээл 1-кы истиэпэннээх дипломаннара, регионнааҕы «Орой мэник оҕо саас» ырыа күрэҕин кыттыылаахтара; саха тылын, литэрэтиирэтин уонна төрүт култууратын өрөспүүбүлүкэтээҕи метапредметнэй олимпиадатын 2-с миэстэлээҕэ, Марха түөлбэтинээҕи Куххата ааҕыыларын кыттыылааҕа, 6 кылаас үөрэнээччитэ Неустроев Эрчим; оройуоннааҕы үөрэнээччилэр метатурнирдарын кыайыылааҕа, саха тылыгар үөрэнээччилэр Бүтүн Арассыыйатааҕы олимпиадаларын өрөспүүбүлүкэтээҕи түһүмэҕин призера, физикаҕа өрөспүүбүлүкэтээҕи кэтэхтэн ыытыллыбыт тургутук-оонньуу кыайыылааҕа, Сибиирдээҕи уонна Уһук Илиннээҕи норуоттар төрүт тылларын олимпиадаларын кыттыылааҕа, 9 кылаас үөрэнээччитэ Неустроева Уйгууна.
1 кылаас
«Бастыҥ ааҕааччы» анал аат туттарылынна 1 кылаас бастыҥ ааҕааччытыгар Николаева Василисаҕа.
«Бастыҥ кылаас» анал ааты ылла 8 кылаас кэлэктиибэ (сал. Лукина А.А.). III оройуоннааҕы “Звездный класс-2026” эдэр талааннар күрэхтэрин кыайыылаахтара, “Барҕарыы” үөрэнээччилэр кэмпириэнсийэлэрин оройуоннааҕы, өрөспүүбүлүкэтээҕи түһүмэҕин кыттыылаахтара, дипломаннара, лауреаттара, оскуола спортивнай, культурнай, общественнай олоҕун көхтөөх кыттааччылара.
Үөрэх дьылын түмүгүнэн «Сыл бастыҥ үөрэнээччитэ» сүрүн анал ааты ылла 8 кылаас үөрэнээччитэ Афанасьев Тимур. Тимур ОБЗР-га үөрэнээччилэр Бүтүн Арассыыйатааҕы олимпиадаларын оройуоннааҕы түһүмэҕин призера, математикаҕа оройуоннааҕы уоланнар олимпиадаларын призера, оройуоннааҕы үөрэнээччилэр метатурнирдарын кыайыылааҕа, саха тылын, литэрэтиирэтин уонна төрүт култууратын өрөспүүбүлүкэтээҕи метапредметнэй олимпиадатын 2-с миэстэлээҕэ, оройуоннааҕы Максимовскай ааҕыылар, “Барҕарыы” үөрэнээччилэр кэмпириэнсийэлэрин кыттыылааҕа, мас тардыһыытыгар оройуоннааҕы күрэх 2 төгүллээх 3-с бириистээҕэ, өрөспүүбүлүкэтээҕи күрэх кыайыылааҕа, 3 төгүллээх 3-с бириистээҕэ, оскуола, нэһилиэк көхтөөх ыччата.
Афанасьев Тимур
Итини таһынан, Тимур Акана орто оскуолатыгар өр кэмҥэ үлэлээбит учууталлар Афанасьев Афанасий Федотович, Иванова Екатерина Владимировна ааттарынан 2005 сылтан сыл аайы Акана орто оскуолатын V-X кылаас бастыҥ үөрэхтээх, успуорка ситиһиилээх, көхтөөх, общественник үөрэнээччи-уолугар туттарыллар истипиэндьийэ туһааннааҕа буолла.
Акана орто оскуолатын 1991 сыллаахха бүтэрбит выпускниктар, быйыл оскуоланы бүтэрбиттэрэ 35 сылынан, бииргэ үөрэммит доҕордорун, Арассыыйа Бэдэрээссийэтин үөрэҕин эйгэтин бочуоттаах үлэһитин, Ф.А.Поморцев аатынан юнармия мэтээлин хаһаайынын, Дьокуускай куорат «Айыы кыһата» гимназия математика, ОБЖ учууталын, общественник-педагог Николай Викторович Андреев аатынан истипиэндьийэ олохтуурга быһаардылар.
Н.В.Андреев аатынан истипиэндьийэ туһааннааҕа буолла оройуоннааҕы уонна өрөспүүбүлүкэтээҕи научнай-чинчийэр кэмпириэнсийэлэргэ, олимпиадаларга, успуорка ситиһиилээх, оскуола олоҕун көхтөөх кыттааччыта, 8 кылаас үөрэнээччитэ Николаев Ньургун.
Николаев Ньургун
Былырыыҥҥы үөрэх дьылыттан Бүтүн Арассыыйатааҕы бэрэбиэркэлиир үлэни (ВПР) «5» уонна «4» сыанаҕа толорбут үөрэнээччилэргэ хайҕал суруктары туттарар үтүө үгэс олохтоммута. Ол курдук, быйылгы «БАБҮ» (ВПР) түмүгүнэн хайҕал суругу туттулар 4 кылаас үөрэнээччилэрэ Афанасьева Айталыына, Неустроева Айыына, 6 кылаас үөрэнээччилэрэ Ефремова Даяна, Мигалкина Уйгууна, 7 кылаас үөрэнээччитэ Неустроева Нарыйаана, 8 кылаас үөрэнээччилэрэ Акимова Айгылаана, Афанасьев Тимур, Васильева Эвелина, Николаев Ньургун, Солтуева Мария.
Үөрэх дьылын түмүгүнэн 5 учуутал «Бастыҥ учуутал» анал аатынан наҕараадаланна: ОБЗР-га үөрэнээччилэр Бүтүн Арассыыйатааҕы олимпиадаларын оройуоннааҕы түһүмэҕин кыайыылаахтарын, призердарын, өрөспүүбүлүкэтээҕи түһүмэҕин призерун бэлэмнээбитин иһин, мас тардыһыытыгар оройуон, өрөспүүбүлүкэ кыайыылахтарын, призердарын, Өбүгэ оонньууларыгар оройуон призердарын бэлэмнээбитин иһин ОБЗР, физкультура учуутала Барабанскай Николай Николаевич;
Барабанскай Н.Н.
Саха литэрэтиирэтигэр үөрэнээччилэр өрөспүүбүлүкэтээҕи олимпиадаларын оройуоннааҕы түһүмэҕин призерун, саха тылыгар үөрэнээччилэр өрөспүүбүлүкэтээҕи олимпиадаларын призерун, саха тылыгар уонна литэрэтиирэтигэр үөрэнээччилэр Хотугулуу илиҥҥи олимпиадаларын финалиһын, Сибиирдээҕи уонна Уһук Илиннээҕи норуоттар төрүт тылларын олимпиадаларын кыттыылааҕын бэлэмнээбитин иһин саха тылын, литэрэтиирэтин учуутала Сергеева Ульяна Николаевна;
Саха тылыгар, литэрэтиирэтигэр оройуоннааҕы олимпиадалар кыайыылаахтарын, призердарын, саха тылын, литэрэтиирэтин уонна төрүт култууратын өрөспүүбүлүкэтээҕи метапредметнэй олимпиадатын призердарын, оройуоннааҕы, өрөспүүбүлүкэтээҕи научнай-чинчийэр кэмпириэнсийэлэр призердарын, өрөспүүбүлүкэтээҕи уус-уран ааҕыылар кыайыылаахтарын, призердарын бэлэмнээбитин иһин саха тылын, литэрэтиирэтин учуутала Васильева Наталья Викторовна;
Васильева Н.В.
Аангылыйа тылыгар кэтэхтэн ыытыллыбыт өрөспүүбүлүкэтээҕи олимпиада призерун, “Барҕарыы” үөрэнээччилэр кэмпириэнсийэлэрин оройуоннааҕы, өрөспүүбүлүкэтээҕи түһүмэҕин лауреатын уонна дипломанын, «I speak» оройуоннааҕы аангылыйа тылынан араатардар күрэхтэрин призердарын, өрөспүүбүлүкэтээҕи «Subject matters of ecology» араатардар күрэхтэрин призерун бэлэмнээбитин иһин аангылыйа тылын учуутала Аргунова Степанида Григорьевна;
Астрономияҕа үөрэнээччилэр Бүтүн Арассыыйатааҕы олимпиадаларын оройуоннааҕы түһүмэҕин призерун, “Барҕарыы” үөрэнээччилэр кэмпириэнсийэлэрин оройуоннааҕы түһүмэҕин дипломаннарын, физикаҕа өрөспүүбүлүкэтээҕи кэтэхтэн ыытыллыбыт тургутук-оонньуу кыайыылаахтарын бэлэмнээбитин иһин физика учуутала Неустроева Лаура Николаевна.
«Бастыҥ иитээччи» анал аат туттарылынна уһуйаан улахан бөлөҕүн иитээччитигэр Сергеева Надежда Николаевнаҕа.
Сергеева Н.Н.
Санатан эттэххэ, быйыл Барабанскай Н.Н. Саха Өрөспүүбүлүкэтин үөрэх эйгэтин 100 бастыҥ педагогун ахсааныгар киирэн, «РНГ» акционернай тэрилтэ үбүлүүр 100 тыһыынча солкуобай бириэмийэнэн наҕараадаланна. Бу бастыҥ педагогтары быһаарар күрэххэ 478 педагог кыттыбытыттан 100 бастыҥ педагог ахсааныгар киирии – улахан ситиһии буолар. Бу үөрүүлээх түгэн быйылгы үөрэх дьылын биир бастыҥ көрдөрүүтүнэн буолар.
Быйыл биһиги оскуолабыт «Школьное инициативное бюджетирование» диэн өрөспүүбүлүкэтээҕи бырайыактары сүүмэрдиир күрэххэ кииристэ. Бу күрэххэ барыта 99 оскуола бырайыага киирсибититтэн 41 оскуола бырайыага ааспыт. Ол иһигэр биһиги «Школьный кинотеатр: новые возможности для досуга и образования» диэн бырайыакпыт киирсэн, кэлэр үөрэх дьылыгар олоххо киирэрин күүтэбит. Бырайыакка үлэлэспит тэрийээччи-педагог Соркомова А.П., алын сүһүөх учууталлара Васильев М.Н, Герасимова С.П. оскуола салалтатын хайҕал суругунан бэлиэтэннилэр.
Соркомова А.П.
Үөрэх дьылын устата оскуола, кылаас үлэтигэр көхтөөхтүк кыттыбыт төрөппүттэр хайҕал суруктары туттулар. «Бастыҥнар түһүлгэлэрэ-2026» дьоро киэһэ өрө көтөҕүллүүлээхтик ыытылынна. Бастыҥнар ситиһиилэрэ — бу бүтүн нэһилиэк, оскуола киэн туттуута буолар. Бастыҥнар түһүлгэлэрин кэннэ «Үөрэх сырдык биһигэ – оҕо саас айар аартыга» үөрэх дьылын түмүктүүр оҕолор уонна учууталлар эҕэрдэ кэнсиэрдэрэ буолла.
«Бастыҥнар түһүлгэлэрэ-2026» ыытааччылара, саха тылын учууталлара Васильева Н.В., Сергеева У.Н.
Сүрүн хаартыскаҕа: «Бастыҥ кылаас» номинация кыайыылааҕа 8 кылаас.