Ньурбатааҕы драмтеатр фойетыгар Правительство бэрэссэдээтэлэ Андрей Тарасенко, урбаан, атыы уонна туризм миниистирэ Тимур Ханды, Ил Дархан сүбэһитэ Георгий Балакшин, улуус баһылыга Алексей Иннокентьев эдэр ыччаты, урбаанньыттары кытары көрүстүлэр. Бастатан туран, Андрей Тарасенко эдэр дьону тыа сиригэр олохсутуу, сир, тыа хаһаайыстыбатын үлэтигэр сыһыарыы, олорор усулуобуйаларын тэрийии туһунан кэпсэттэ.
Тимур Ханды Ньурбаҕа бастакы сырыыта эбит. Олус үчүгэйдик тэринэн, сайдыылаах олороргутун көрөн соһуйдум, Ньурбаны арыый атыннык саныыр этим диэн эттэ. Аҕыйах кэм иһигэр урбаанньыттары, кинилэр үлэлэрин кытары билистэ. Туризм өттүгэр болҕомто ууруоххутун наада диэн сүбэлээтэ. Сиргит-уоккут олус үчүгэй, өрүс үрдүгэр турар, усулуобуйа баар, үлэ миэстэтин тэрийэн хамсаныаххытын наада диэтэ. Ол туһугар урбаанньыттарга ханнык программалар, субсидиялар баалларын сырдатта.
Мустубут дьонтон туризм, атын регионнары кытары сибээс олохтооһун, экспорт, судаарыстыба өттүттэн өйөбүл миэрэлэрин туһунан ыйыталастылар. Чааһынай урбааны кытары үлэлэһэргэ бэлэммит, этиилэргитин диэн оробуочай бөлөх көрсүһүүнү түмүктээтэ.
Лена Петрова