Форумҥа кэмиэрчэскэйэ суох тэрилтэлэр, дьоҕус биисинэс, бэрэстэбиитэллэрэ, уопсастыбанньыктар, волонтердар, социальнай үлэнэн дьарыктаныан баҕалаахтар уо.д.а. муһуннулар.
Манна араас дьүүллэһиилэр, “төгүрүк остуоллар”, маастар-кылаастар, сэминээрдэр уонна оробуочай мунньахтар тэҥинэн ыытыллаллар.
Ньурба улууһуттан 4 киһилээх делегация кытта сылдьар. Ыччат дьыалатын уонна имидж политикатын проектнай отделын салайааччыта Елена Романова, Ньурба куорат дьаһалтатын архитектора Акулина Аммосова, Кииннэммит бибилэтиэкэттэн Марина Илларионова, Ньурба куорат дьаһалтатын түөлбэлэри кытары эппиэттээх үлэһитэ Мария Анисимова.
Икки күннээх форум сүрүн соругунан регионнарга гражданскай уопсастыба сайдар туругун уонна социальнай хайысхалаах үлэлэри быһаарыы, баар кыһалҕалары дьүүллэһии уонна ону быһаарар суоллары тобулуу буолар.
Лена Петрова