Быйыл кыһын урукку сыллардааҕар ичигэс буолбутун, хаар элбэхтэ түспүтүн билэбит. Улуустааҕы олоҕу-дьаһаҕы хааччыйыы сулууспатын салайааччыта Афанасий Кириллин итини эмиэ бигэргэтэр. Гидрометсулууспа каартатынан, Бүлүү улуустарын ортотугар чуолаан Ньурба улууһугар хаар олус элбэҕэ ыйыллар: нуорманы 130-200% куоһарар.
Инньэ гынан мууспут даҕаны чараас. Олунньу 29 к. туругунан Ньурба к. аннынан Бүлүү өрүс мууһун халыҥа – 75 см., бу нуорматтан 14 см чараас. Муус халыҥар нуорматтан саамай улахан халбаҥнааһын биһиэхэ көстөр, ыаллыы улуустарга: Үөһээ Бүлүү аннынан — 64 см (-6 см), Сунтаарга – 73 см (-7 см), Бүлүү улууһугар – 86 см (+3 см). Онон сааскы халаан уута элбэх буолара күүтүллэр.
Геннадий Антонов