🚀 Ньурба куоракка муус устар 12 күнүгэр Сергей Васильев аатынан паркаҕа ракетаны халлаан куйаарыгар көтүтүү буолла. Бу тэрээһини “Айар үлэ уонна инновационнай киин” старшай методиһа Егорова Марина Семеновна уонна педагогтара иилээн-саҕалаан ыыттылар.
Бу тэрээһин 👨🏻🚀 Юрий Алексеевич Гагарин төрөөбүтэ 90-сылыгар анаан, эбии үөрэхтээһин киинигэр өр сылларга үлэлээбит педагог-ветеран Семенов Николай Дмитриевич уонна авиация ветерана Тихонов Михаил Афанасьевич сырдык кэриэстэригэр анаан ыытылынна.
🎯Быйылгы тэрээһин күрэх быһыытынан ааста. Ст.Васильев аатынан элбэх хайысхалаах гимназия аатыттан Егоров Александр Валентинович салайааччылаах авиационнай хайысхалаах кылаас үөрэнээччилэрэ уонна Н. Н. Чусовскай аатынан Антоновка оскуолата Кучуров Николай Егорович салайааччылаах 6 оҕо кыттыынылар. Оҕолор икки көрүҥҥэ ракетаны көтүттүлэр, S-3 парашютнай уонна S-6 ленточнай көрүҥнэргэ крүрэхтэстилэр. Барыта холбоон 18 ракета халлааҥҥа күөрэйдилэр.
📣 “Пять, четыре, три, два, один — поехали!” ракета үөһээ халлаан диэки куйааран көтө турда, ону кытта мустубут оҕолор үөрбүт хаһыылара, соһуйбут сирэйдэрэ, үөрүү-көтүү сүпсүлгэнинэн пааркабыт туола түстэ.
🥇🥈🥉Күрэх тумугунэн дьууллур субэ маннык түмүгу таһаарда:
S-3 парашютнай:
🥇 миэстэ — Яковлев Кирилл, Н. Н. Чусовскай аатынан Антоновка орто оскуолатын үөрэнээччитэ;
🥈 миэстэ — Ушканов Альберт, Ст.Васильев аатынан элбэх хайысхалаах гимназия 9 кылааһын үөрэнээччитэ;
🥉 миэстэ — Столяров Тимур, Н. Н. Чусовскай аатынан Антоновка орто оскуолатын 6 кылааьын үөрэнээччитэ.
S-6 ленточнай:
🥇 миэстэ — Хартасов Айтал, Ст.Васильев аатынан элбэх хайысхалаах гимназия 9 кылааһын үөрэнээччитэ;
🥈 миэстэ — Яковлев Кирилл, Н. Н. Чусовскай аатынан Антоновка орто оскуолатын үөрэнээччитэ;
🥉 миэстэ — Ушканов Альберт, Ст.Васильев аатынан элбэх хайысхалаах гимназия 9 кылааһын үөрэнээччитэ.
🚀 Эһиилги тэрээһиҥҥэ элбэх хамаанда кыттыыны ылаллара былааннанар.
Айар үлэ уонна инновационнай технология киинэ