Бүгүн сарсыардаттан СӨ Бырабыыталыстыбатын Бэрэссэдээтэлин солбуйааччыта Георгий Михайлович Степанов салайааччылаах оробуочай бөлөх Чуукаарга үлэлээтэ.
Дьону тус боппуруостарынан приемнааһын кэнниттэн, СӨ ситэриилээх былааһын ааспыт сыллааҕы отчуотун мунньаҕар 85 киһи кытынна.
Чуукаар Эбэтигэр шлюз-регулятор, нэһилиэккэ уопсай дьиэ, спорт-саала тутуутун туруорустулар, ГСМ сыаната үрдүү турарын, өрөспүүбүлүкэҕэ дьэллик ыт боппуруоһун быһаарарга сокуон ылыллыытын, өрөспүүбүлүкэҕэ сахалыы сирдэр ааттарын бэрээдэктээһин, иһэр уу хаачыстыбатын уо.д.а. боппуруостары таарыйдылар.
Чуукаарга саҥа хочуолунай тутуллар. 100/50 миэстэлээх оскуола-саад тутуута эһиил бүтэн үлэҕэ киирэрэ былааннанар. Спорт саала Чуукаарга 2027 с. кэнниттэн тутуллуоҕа. Кэпсэтиигэ кыттыбыт дьон бары өрөспүүбүлүкэ салалтатын үлэтин биһириииллэрин биллэрдилэр.
Геннадий Антонов