Сэтинньи 25 күнүгэр, Олоҥхо күнүгэр Чуукаартан баҕалаах, барыга кыттар көхтөөх көрүүлээх дьоннорун дьаһалта, оскуола массыыналарынан буор босхо Ньурба тыйаатырыгар «Оҕо Дьуулаах Бухатыыр» олоҥхо театрализованнай туруоруутун көрөллөрүгэр кыах биэрдилэр.
Кэрэни кэрэхсээбит дьоммут үөрүүлэрэ, махталлара муҥура суох. Олоҥхо дьоруойдарын куукулаларын быыстапкатын олус сэргээтилэр. Дуоһуйа сынньанан, астынан кэлэн аныгы олох сиэринэн бассаабынан санааларын үллэстэн, махталларын этиннилэр. Нэһилиэк баһылыгар Артур Фёдоровка, оскуола дириэктэригэр Июлия Фёдороваҕа, суоппардарга Изабелла Иннокентьеваҕа, Никита Иннокентьевка махтанан үлэлэригэр ситиһиилэри баҕардылар.
Ити курдук инникитин да сынньатар, аралдьытар сырыылар баар буолуохтара диэн эрэнэбит.
Надежда Казакова, Чуукаар