Бүгүн, олунньу 16 күнүгэр, П.С.Егоров аатынан Акана орто оскуолатыгар Ийэ тыл, сурук-бичик дэкээдэтин чэрчитинэн, 6-8 кылаас оҕолоругар уонна төрөппүттэригэр Саха норуодунай суруйааччыта Н.Е.Мординов-Амма Аччыгыйа төрөөбүтэ 120 сылыгар аналлаах «Дьиэ кэргэнинэн Амма Аччыгыйын ааҕабыт» диэн кылаас таһынан ааҕыы күрэҕэ ыытылынна.
Күрэх сыала-соруга — дьиэ кэргэнинэн ааҕыы култууратын үөскэтии, сахалыы ааҕыыга интэриэһи көбүтүү, ааҕыы көмөтүнэн оҕо, төрөппүт икки ардыгар истиҥ сыһыаны, өйдөһүүнү олохсутуу уонна кылаас таһынан ааҕыыга саҥа, сонун ньымалары көрдөөһүн.
Күрэххэ 7 дьиэ кэргэн кыттыыны ылла. 6 кылаастан Уйгууна, Екатерина Федоровна Мигалкиннар, Даяна, Виктория Викторовна Ефремовтар кытыннылар. 7 кылаастан – Нарыйаана, Лаура Николаевна Неустроевтар, Семен, Агафья Семеновна Николаевтар. 8 кылаастан – Маша, Татьяна Александровна Солтуевтар, Ньургун, Николай Григорьевич Николаевтар, Тимур, Мария Устиновна Барабанскайдар.
Дьиэ кэргэттэргэ эрдэттэн Амма Аччыгыйын олоҕун, айар үлэтин билсэргэ, «Кэрэх абааһыта» диэн кэпсээнин ааҕарга сорудах бэриллибитэ. Күрэх бастакы түһүмэҕэр суруйааччы олоҕуттан, айар үлэтиттэн тургутук-ыйытыыларга эппиэттээтилэр. Иккис түһүмэххэ «Кэрэх абааһыта» кэпсээн ис хоһоонун төһө өйдөөбүттэрин тургутар ыйытыыларга хоруйдаатылар.
Икки түһүмэх түмүгүнэн 2 дьиэ кэргэн бааллара тэҥнэһэн, эбии сорудахтары толордулар. Улахан эрийсиилээх күрэх түмүгэ маннык буолла:
1 үрдэл – Тимур, Мария Устиновна Барабанскайдар.
2 үрдэл – Семен, Агафья Семеновна Николаевтар.
3 үрдэл – Ньургун, Николай Григорьевич Николаевтар.
Кыайыылаахтар добун суругунан, гиипсэттэн оҥоһугунан наҕараадаланнылар, бары кыттааччылар туоһу сурук, өйдөбүнньүк аккырыыкка туттулар. Көхтөөх, сахалыы ааҕыыны өйүүр, таптыыр дьиэ кэргэттэрбитигэр махтанабыт.
Төрөөбүт тылынан ааҕыыга таптал дьиэ кэргэнтэн саҕаланар!
Саха тылын учуутала Васильева Н.В.