Хаҥалас нэһилиэгин Уһунча сайылыгар Хаҥалас олохтоох дьаһалтатын иһинэн үлэлиир “Артыал” тыа хаһаайыстыбатын кооперативын быйылгы төрүөх ньирэйдэрин нэһилиэк олохтооҕо Индеева Галина Васильевна көрөн сайылаата.Галина 24 ньирэйи илиитинэн аһатарыгар кэргэнэ Валентин кэлэн көмөлөһөр.Ыаллар үлэһиттэргэ анаан тутуллубут дьиэҕэ хоно сытан көрөр- истэр буоланнар, ньирэйдэр быйыл сайын үчүгэй туруктаах, күҥҥэ иккитэ үүт иһэн, отурбаннан эбинэн, алаас отунан сайылаатылар. “Алаас Хотуна” эбээлэр түмсүүлэрин биир актыыбынай киһитэ Галина түбүктээх үлэтиттэн быыс булан сир аһын да хомуйда, тэрээһиннэргэ да кыттыһар.
Мария Николаева