‘Күөх Боллох уйгута» ини-бии чемпион булчуттар Валентин, Василий Ивановтар ааттарыгар «Күөх Боллох уйгута» оройуоннааҕы куйуур күрэһэ-Дьаархаҥҥа

🌞Муус устар 13 күнүгэр Дьаархаҥҥа бэрт сэргэх, сааскылыы чаҕылхай тэрээһин буолан ааста. Ол курдук Уулаах күөл үрдүгэр сарсыардаттан араас өҥнөөх былаахтар тэлибирээтилэр, хаара киэҥник күрдьүллэн, кутаа уотун буруота унаарыйан, сахалыы ырыалар музыкалара дуорайда.

Бу Дьаархаттар »Сандал Сааһы уруйдуоҕуҥ» диэн тэрээһиннэрэ ону тэҥэ Арассыыйаҕа дьиэ кэргэн,  СӨ оҕо саас сылларын чэрчитинэн төрдүс төгүлүн ыытыллар ини-бии чемпион булчуттар Валентин, Василий Ивановтар ааттарынан оройуоннай эр киһи уонна уол оҕо куйуурдааһынын күрэһэ буолар күнэ. Ини-бии Ивановтар сорсуннаах булчуттар үтүө ааттара үйэтитиллэригэр маннык тэрээһиннэр буолаллара кэрэхсэллээх. Ону тэҥэ саха омугун төрүт дьарыгын бултааһыны, балыктааһыны уол оҕоҕо уһуйуу, иҥэрии күрэс быһыытынан тэриллэрэ эмиэ олус үчүгэй.

🐟🐟🐟Күрэс тэрийээччилэрэ: «Дьаархан нэһилиэгэ МТ», Дора Самуиловна Жиркова  аатынан спорт уонна норуот айымньытын киинэ.
Тэрээһиҥҥэ кадровай булчут Аланаев Михаил Егорович оҕолоро уонна Евдокия, Анастас Аланаевтар дьиэ кэргэн
Дьаархан нэһилиэгэ аҕа түмсүүтэ,Анна, Владимир Григорьевтар дьиэ кэргэн Дьаархан нэһилиэгэ МТ,Д.С. Жиркова аатынан СуоНАК,В. Н. Иванов аатынан Дьаархан орто оскуолата,Бырааттыы чөмпүйүөн бучуттар Василий, Валентин Ивановтар оҕолоро:Иванова Маргарита ВасильевнаИванов Валерьян Валентинович кытыннылар.

Күрэс түһүмэхтэрэ:ойбон алларыыта, тоҥуу хаарынан сүүрүү, түөрэй быраҕыы, эстафета, элбэх балык.

Күрэс кыайыылаахтара:
9 миэстэ — Күндээдэ хамаандата Мачанов Василий, Дьулус Андреевич, 8 миэстэ — Дьаархан 2 хамаандата Иванов Иван, Тимофеев Алексей, 7 миэстэ — Антоновка хамаандата Петров Иван, Айаан Иванович, 6 миэстэ — Сунтаар Сиэйэ хамаандата Корнилов Степан, Гром Степанович, 5 миэстэ — Дьаархан 1 хамаандата Васильев Вячеслав, Никита Вячеславович, 4 миэстэ — Дьиикимдэ хамаандата Лукинов Степан, Николаев Вячеслав, 3 миэстэ — Дьаархан 3 хамаандата Григорьев Семен, Степанов Александр,2 миэстэ — Өҥөлдьө хамаандата Николаев Руслан, Григорьев Антон, 1 миэстэ — Маар хамаандата Данилов Прокопий, Самсонов Айсиэн.

Уол оҕо төрөөтөҕүнэ суор үөрэр. Бу этии сахалар былыр былыргаттан булчут удьуордаахпытын ол удьуорбут утумнанан, умнуллубакка саха баарын тухары салҕана туруоҕун бигэргэтэр. Онно маннык тэрээһиннэр буоланнар олук буола турдуннар.

Тэрээһиҥҥэ көмө буолбут улуус, куорат дьаһалталарыгар, Ньурба к. маҕаһыыннарыгар махталбытын тиэрдэбит.

 Линаида Терентьева,

Дьаарханнааҕы Хартасова-Терентьева Христина Ильинична аатынан куукла норуодунай тыйаатырын режиссера, СӨ култууратын туйгуна