💞Ахсынньы 6 күнүгэр Ньурбатааҕы ГТАС дьиэтигэр Ньурба куорат олохтоохторо Сергей Игнатьевич Попов, Александра Михайловна Тихонова 50 — кыһыл көмүс сыбаайбаларын чиэстээһин буолла.
💑1974 сыллаахха Сунтаар оройуонун Хадан нэһилиэгэр Сергейдээх Александра олохторун холбооннор, бастакы оҕолоро, уоллара Сунтаарга төрүүр. 1976 сыллаахха кыыс дойдутугар Ньурбаҕа көһөн кэлиэхтэриттэн манна олохсуйан олороллор.
👨👨👧👦Түөрт оҕону төрөтөн, 9 сиэн, 2 хос сиэн эһээтэ, эбээтэ буолан быр-бааччы дьоллоохтук олороллор.Бэйэлэрин кэмнэригэр үлэлээн -хамнаан кэллэхтэрэ.
Тэрээһин үөрүүлээх чааһыгар «Ньурба куорат» МТ баһылыга Геннадий Васильевич Игнатьев Ил Дархан Айсен Николаев «Килбиэннээх дьиэ кэргэн» бэлиэни уонна Ньурба куорат дьаһалтатын аатыттан эҕэрдэ суругу, «Куочай» хартыынаны үөрүүлээх быһыыга-майгыга туттаран, үбүлүөйдээччилэри долгутта.
Кыһыл көмүс кинигэҕэ киирбиттэринэн Судаарыстыбаннай турук аактатын суруйуу Ньурба оройуонунааҕы салаатын салайааччыта Альбина Алексеева үөрүүлээх быһыыга-майгыга «Кыһыл көмүс сыбаайба» сибидиэтэлистибэтин туттарда.
Улуустааҕы дьиэ кэргэн бэлиитикэтин социальнай отдел аатыттан Ольга Валерьевна Андреева эҕэрдэ тыл этэн туран, «Ньурба оройуона» МО баһылыга А.М.Иннокентьев, улуус Сүбэтин бэрэссэдээтэлэ Н.М.Михайлова ааттарыттан эҕэрдэ суругу, сибэкки дьөрбөтүн кытары бэлэҕи туттарда.Бүгүҥҥү үөрүүлээх тэрээһиҥҥэ оҕолоро, сиэннэрэ кыттыыны ыллылар.
Түмүккэ ыал аҕа баһылыга Сергей Игнатьевич бүгүҥҥү үөрүүлээх тэрээһини тэрийэн ыыппыт дьоҥҥо махталын биллэрдэ. Кэргэнниилэр Куочай сиригэр мэлдьи сылдьалларынан Куочай ойуулаах хартыынаны бэлэх тутан икки бүк үөрбүттэрин туһунан эттилэр.
Антонина Семенова