Математикаҕа БКЭ 100 баалга суруйбут Дархан Муксуновунан Ньурба киэн туттар

📊 Бу күннэргэ биир кэлим эксээмэннэр буола тураллар, бугун нуучча тылын уонна математика түмүктэрэ билиннилэр. 100 баалы ылбыт оҕолор кэккэлэригэр Дархан Муксунов биһиги биир дойдулаахпыт баар.

🏫 Кини алын сүһүөххэ Антоновка орто оскуолатыгар, онтон 7 кылааска диэри Ньурбатааҕы техническэй лицейгэ үөрэммитэ.7 кылаас кэнниттэн Норуоттар икки ардыларынааҕы Арктическай оскуолаҕа туттарсан киирэн бүтэрдэ.

Дархан төрөппүттэрэ, ийэтэ Любовь Викторовна – урбаанньыт, аҕата Василий Саввич “Ростелеком” тэрилтэ Ньурбатааҕы салаатын салайааччыта.Дархан Муксуновтар дьиэ кэргэн 3 оҕолоруттан саамай кыралара. Математика сөбүлүүр предметтэриттэн биирдэстэрэ буолар.

Өссө төгүл бастыҥ көрдөрүүнэн эҕэрдэлиибит!👏

Читайте дальше