🌷Дьиикимдэ баһылыга Прокопий Осипов көҕүлээһининэн нэһилиэктэригэр өссө биир бэртээхэй бырайыак олоххо киирэн эрэр. Ол — төрөөбүт дойдуга тапталы туоһулуур сибэккинэн симэммит “Мин ❤️Дьиикимдэм” арт-эбийиэк буолар.
Бырайыак эскиһин Прокопий Николаевич бэйэтэ толкуйдаан оҥорбут. Баһылыктарын көҕүлээһинин олохтоохтор өйөөн Дьиикимдэ оскуолатын үлэһиттэрэ 340, балыыһа 300,
кулууп 70, дьаһалта 464, уһуйаан 40 , барыта 1214 араас көрүҥ петунья рассадатын олордубуттар🌺🌺🌺
Салгыы саамай суолталааҕа – уһуйаан оҕолоруттан саҕалаан нэһилиэк олохтоохторо бары саҥа эбийиэктэрин сибэккинэн симиэхтэрэ. Онон аҕыйах хонугунан бүтэһик хаартыскаҕа көрөрбүт курдук сиэдэрэй көстүү Дьиикимдэҕэ баар буоларын күүтэбит.
📝 Сиһилии информацияны “Ньурба” хаһыат чэппиэрдээҕи нүөмэригэр ааҕаарыҥ.
“Ньурба” хаһыат