🏆Ньурба улууһуттан сылдьар Николай Обоев Н.Н.Тарскай аатынан өрөспүүбүлүкэтээҕи ыһыахха многоборье турнирыгар кыайан, «Дыгын оонньууларын» иннинэ бэртээхэй саҕалааһыны оҥордо.
Николай Тарскай төрөөбүтэ 100 сылыгар анаммыт өрөспүүбүлүкэтээҕи ыһыах бэҕэһээ, бэс ыйын 8 күнүгэр, Уус Алдан улууһун Баатаҕайыгар буолла.
Многоборье турнирын кыттыылаахтара биэс көрүҥҥэ күрэхтэстилэр: ыстаҥаҕа, тутум эргииргэ, хапсаҕайга, мас тардыһыытыгар, сүүрүүгэ.
Тыҥааһыннаах киирсиигэ үһүс миэстэни Өлүөхүмэттэн сылдьар Александр Пшенников, иккис миэстэни «Дыгын оонньууларыгар» бастакытын кыттаары сылдьар, Орто Халыматтан төрүттээх Алексей Сазонов ыллылар.
Кыайыылаах Николай Обоев 100 тыһ.солк. наҕараадаланна.
Бэлиэтээн суруйдахха, бу иннинээҕи күн Николай тапталлаах кэргэнэ Анастасия Обоева «ТАБЫС» өрөспүүбүлүкэтээҕи ыччат бэстибээлигэр «Мисс ТАБЫС» кыайыылааҕынан буолбута.💐💐💐