🐄🐄🐄Бүгүн Нам улууһун Хатырык нэһилиэгэр халаан уутуттан эмсэҕэлээбит Слепцова Александра Васильевна бааһынай хаһаайыстыбатыгар көмө быһыытынан бастакы 5 ньирэй кэллэ.Бу ньирэйдэри 900-чэ км Ньурба улууһуттан «Сиибиктэ» бааһынай хаһаайыстыбатын салайааччыта Саха Өрөспүүбүлүкэтин тыатын хаһаайыстыбатын үтүөлээх үлэһитэ Иванова Любовь Васильевна бэйэтин үлэһиттэрин кытары айаннатан аҕаллылар.
Ол курдук бу ньирэйдэри 200 -тэн тахса сүөһүлээх улахан хаһаайыстыба үлэһиттэрэ Степан Васильевич Иванов,ветеринар Елена Валерьевна,управляющай Игорь Николаевич көрөн-истэн этэҥҥэ аҕаллылар.
Александра Васильевна Намҥа эмиэ биир бөдөҥ сүөһү иитиитинэн дьарыктанар хаһаайыстыба бу иэдээҥҥэ тубэспиттэригэр күүс-көмө буолбут, санааларын көтөхпүт биир идэлээхтэригэр истиҥ махталын тириэрдэр.Санаатын түһэрбэккэ, салгыы үлэлиир -хамсыыр баҕалаах.
Өрөспүүбүлүкэ атын да улуустара; Хаҥалас, Амма,Чурапчы, Кэбээйи эмиэ көмөлөрүн ыыттылар уонна салгыы ыытарга да бэлэмнэр.
Екатерина Стручкова,
Нам улууһун бааһынай хаһаайыстыбатын уонна кооперативтарын бэрэссэдээтэлэ