Олунньу 27 күнүгэр Ньурбаҕа “МҮЧҮК “алын кылаас оҕолорун икки ардыгар ыытыллыбыт театральнай күрэххэ Чуукаар орто оскуолатыттан Спиридонова Л.В. салайааччылаах “Күн оҕолоро” бөлөх Андрей Сивцев –Лэкээрин, П.А.Ойуунускай айымньытынан туруорбут “Көтөрдөр мөккүөрдэрэ”остуоруйанан кыттан бастаатылар.
Олунньу 28 күнүгэр нэһилиэккэ “Алмазэргиэн” баан үлэһиттэрэ тахсан нэһилиэнньэни кытта үлэлээтилэр.
Олунньу 29 күнүгэр спорт зал тренера Иннокентьев Л.И. көҕүлээһинэн нэһилиэк түөлбэлэрин икки ардыгар остуол тенниһин күрэҕэ ыытыллан” Хампах” –I. “Уһун күөл” – II, “Эбэ” – III миэстэ буоллулар. Манна хамаандаҕа биирдии эр киһи, биирдии дьахтар оонньоотулар.
Кулун тутар 1 күнүгэр нэһилиэккэ “Спартакиада — 2024” күрэстэр үөрүүлээх арыллыыта буолла. Аҕа баһылык Артур Юрьевич эҕэрдэ тыл этэн бары көрүҥнэргэ ситиһиилээхтик кытталларыгар баҕа санаатын эттэ. Ол кэннэ хабылык/хаамыска көрүҥэр тэрилтэлэр икки ардыларыгар күөн көрсүү буолбутун түмүгэр А.Ф.Алексеев аатынан Чуукаардааҕы орто оскуола хамаандата –I,2” Ымыычаан” о5о уһуйаанын уонна ОДьХ үлэһиттэрин холбоһуктаах хамаандата – II, МПЧ7 уонна олохтоох дьаһалта холбоһуктаах хамаандата – III миэстэлэргэ тигистилэр.
Бу күн киэһэтигэр Арассыйаҕа “Дьиэ кэргэн”, Саха сиригэр “Оҕо саас” Ньурба оройуонугар “Олох дьаһах эйгэтин тупсарыы” сылларын арыйар үөрүүлээх чаас, кэнсиэр буолла. Тэрээһини нэһилиэк баһылыга Артур Юрьевич эҕэрдэ тылынан арыйда,ол кэннэ нэһилиэк олоҕор көхтөөх кыттыылаах ыалларга уонна активист оҕолорго түөлбэ салайааччыларын хадатаайыстыбаларынан махтал суруктары туттарда. Салгыы быйыл үбүлүөйдээх дааталаах ыалларбыт, уһуйааҥҥа сылдьар оҕолордоох дьон сэлэлии хаамтылар. Бу тэрээһинтэн киирбит 8500 солкуобай Анал байыаннай дьайыы фондатыгар барыа.
Кулун тутар 2 күнүгэр, көҥүл тустууга,самбоҕа уонна классическай тустууга СССР спордун маастарыгар кандитат, Саха сирин спордун бэтэрээнэ, Саха сирин тыатын хаһаайыстыбатын туйгуна, “Степан Васильев” аатынан сопхуос бочуоттаах бэтэрээнэ Маалыкайтан төрүттээх биир дойдулаахпыт Яковлев Николай Егорович аатыгар ыытыллыбыт көҥүл тустууга оҕолорго уонна улахан дьоҥҥо хапсаҕайга Ньурба улууһун аһаҕас турнирын “Алаас ааттаах, дойду сурахтаах” диэн тэрээһин арыллыытын үөрүүлээх чааһыгар Чуукаардааҕы Е.М.Поликарпов аатынан “Эйгэ” НАК (дир. Иванова У.А.) кэллэктиибэ баран көхтөөх кыттыыны ыллылар. Дьаһалта аатыттан Саввинов Н.А. Эҕэрдэ тыл эттэ. Маны таһынан кыра оҕолорго көҥүл тустууга Семенов Сайаан, улахан дьон хапсаҕайыгар Горохов Кэскил кытыннылар.
Бу күн, Ньурбаҕа ыытыллыбыт оройуоннааҕы остуол тенниһин федерациятын кубогын күрэҕэр барыта 8 хамаанда күөн көрсүбүтүттэн Чуукаартан кыттыбыт биэс киһилээх хамаанда бастаан,көһө сылдьар кубогы иккис сылын субуруччу ылла. Манна Михаил Никифоров бэтэрээн оонньооччуларга,оҕоллорго Дария Данилова,Владимир Андреев, дьахталларга Вилена Николаева,эр дьоҥҥо Александр Андреев кытыннылар.
“Чуукаар нэһилиэгэ” МТ пресс киинэ