🌺🌸🌼🌹Бэс ыйын 7 күнүгэр Ньурба куорат Степан Васильев аатынан болуоссакка «Цветущий сад» акция тэриллэн сибэкки олордооһуна буолла.
Манна анаан Дьокуускай куоракка баар Ньурба түмсүүтүттэн Николаева Наталья Ивановна кэлэн кыттыыны ылла.
-Дьокуускайга баар Ньурба куорат түмсүүтэ 2017 сыллаахха тэриллэн үлэлиир. Түмсүүнү Ольга Егоровна Николаева салайан үлэлэтэр.
Куоракка баар биир дойдулаахтарбытыгыр анаан араас тэрээһиннэри тэрийэн ыытабыт.Быйыл Ньурбаҕа Марха улууһа тэриллибитэ 200 сылыгар анаан, тапталлаах куораппытыгар, 200 петуния бэлэх оҥордубут.Биһиги ыытыллар акцияларга үөрэ-көтө көхтөөхтүк кыттабыт, — диэн кылгастык кэлбит сырыытын билиһиннэрдэ.
👨👩👧👦 👩👧Бүгүҥҥү тэрээһиҥҥэ, сибэкки олордооһуҥҥа дьиэ кэргэнинэн кытары кытыннылар. Ол курдук икки оҕолоох эдэр дьиэ кэргэннэр Семеновтар кыыстара Вика бэйэтэ бүөбэйдээн олорпут сибэккитин аҕалан олортулар.
-Кыыспыт Вика Антоновка оскуолатын 1-кы кылааһыгар үөрэнэр. Кини сибэккини наһаа сөбүлүүр буолан, сибэкки олордоммут дьоммутугар тарҕатааччыбыт.Соторутааҕыта «Моя Нюрба» Ньурба куорат телеграмм каналыгар биллэриини көрөммүт акцияҕа кытынныбыт. Кыыспыт Вика сибэкки олордорго перчаткатыгар тиийэ бэйэтэ бэлэмнэммитэ. Биһиги кыыспытын өйөөн кэллибит.Ийэ кыыһынан, Убайаан оскуолатын үөрэнээччилэрэ сибэкки олордуутугар көмөлөстүлэр, биирдиилээн дьон бэйэлэрэ үүннэрбит сибэккилэрин аҕалан акцияҕа кытыннылар.
Ньурба куорат уопсастыбаннай эйгэлэрин сайдыытыгар Дириэксийэтэ (ДРОП) салайааччыта Саргылана Седалищева:
-Дьокуускай куораттан кэлбит 200 сибэккилэри үс өҥҥө: кыһыл, күөх, маҥан өҥнөргө арааран Россия триколор былааҕар маарыннатан олортубут.
⛺Быйыл Степан Васильев аатынан уулуссаны саҥардан оҥорууга Россия үрдүнэн ыытыллыбыт «Табыгастаах куорат эйгэтэ» бырагыраама чэрчитинэн федеральнай бырайыакка кыттан кыайаммыт, бэс ыйын 20 чыыһылатыгар куонкуруска докумуоммутун ыытыахтаахпыт. Куонкуруһу аастахпытына эһиилгиттэн үлэ саҕаланар, — диэн сонунун үллэһиннэ .
Болуоссакка баар сибэккилэри сайыҥҥы лааҕыр оҕолоро көрүөхтэрэ-истиэхтэрэ. Дьон сынньанан ааһар сиригэр сайынын сибэккилэр силигилээн үүнэн куораппытын тупсарыа турдаҕа.
Антонина Семенова