Ньурбаҕа Советская-Менделеева уулуссалар быһа охсуһууларыгар сууккаҕа 800 м3 ууну ыраастыыр кыамталаах ”Амакинка” ситим үлэҕэ киирдэ. Бастакы станция 400 м3 тахса ууну ыраастыыр этэ, билигин толору күүһүгэр киирдэ.
Саҥа оборудование
Ил Дархан Дьаһалынан “2019-2024 сс. Бүлүү бөлөх улуустарын ыраас иһэр уунан хааччыйыы” программанан 48 мөл. 600 тыһ.солк. суумалаах үп көрүллэн ыстаансыйа тутулунна. Манна улуус бюджетыттан эбии 5 185,997 солк кэриҥэ көрүллэн улахан үлэ ыытылынна.
ОДьКХ сварщига Прокопий Тихонов
Барыта 48 мөл.солк. тахса суумалаах улахан үлэ ыытылынна. Ньурба куорат улахан аҥаара ыраас иһэр уунан хааччылынна, эһиил баччаларга эмиэ сууккаҕа 1200 м3 ууну ыраастыыр ситим үлэҕэ киириэҕэ. Оччотугар Ньурба куорат, Антоновка олохтоохторо бүтүннүү ыраас уунан туһанар кыахтаныахтара.
Ньурбатааҕы ОДьКХ филиалын үлэһиттэрэ