Быйыл Ньурбабыт улууһа төрүттэммитэ 200 сылын бэлиэтиибит. Манан сиэттэрэн “Эрэл” кэммиэрчискэйэ суох тэрилтэ оскуола саастаах оҕолорго Биһиги Ньырбакааммыт диэн уруһуй күрэҕин биллэрбитэ. Бу бырайыак СӨ Ил Дарханын Гранын кыайыылааҕа буолар.
Барыта 4-11 кылаас оҕолоруттан 21 үлэ киирбитэ. Манна Ньурбатааҕы техническэй лицей, Элбэх хайысхалаах гимназия, 2 нүөмэрдээх, Убайаан, Антоновка, Маар орто оскуолаларын оҕолоро кытыннылар. Оҕолор уруһуйдарын кумаахыга уонна графическай планшекка оҥорон ыыттылар.
Ньурбатааҕы искусство оскуолатын “Живопись” кылааһын учууталлара киирбит үлэлэри көрөн, кыайыылааҕынан Ньурбатааҕы элбэх хайысхалаах гимназия үөрэнээччитэ Петрова Күннэйи таллылар. Кини уруһуйдара салгыы сахалыы тылынан тахсыахтаах Ньурба улууһун төрүттэниитин туһунан комиксы киэргэтиэхтэрэ.