Сэтинньи 3 күнүгэр Нерюнгрига Саха сириттэн уонна Амур уобалаһыттан эдэр спортсменнар регион таһымнаах күрэххэ күөн көрүстүлэр.
Ньурба улууһуттан соҕотох барбыт Давыдов Максим 2014 с төрүөх оҕолорго 3 миэстэҕэ тигистэ. Тренерэ Сания Ефимова:
— Максим миэхэ ааспыт сыл сэтинньититтэн дьарыктанар, толору сыла буола илик. Ньурба улууһугар остуол тенниһин федерациятын Бэрэссэдээтэлэ Самангади Дондокова сүүрэн-көтөн, бу сайын Бурятияҕа улахан оҕолору кытары сборданан кэлбитэ. Оҕолор күрэхтэргэ элбэхтэ сырыттахтарына эбиллии барар. Бу күрэххэ 8 оҕоттон 3 миэстэ буолла. Федерациябыт, төрөппүттэр өттүлэриттэн өйөбүл баарын тухары ситиһиилэр өссө даҕаны кэлэ туруохтара.
Лена Петрова