СВО зонатыгар Ийэ дойдуларын көмүскүүр, ытык иэстэрин толоро сылдьар биир дойдулаахтарбытыгар өйөбүл күн-түүн күүһүрэн, тэнийэн иһэр.
Бу үтүө дьыалаҕа Ньурба улууһун араас тэрилтэлэрэ, нэһилиэктэрэ, урбаанньыттара уонна биирдиилээн дьонноро көхтөөхтүк кыттыһаллар. Бу сырыыга Ньурбатааҕы Ис дьыала отделын кэлэктиибэ бэйэтин кылаатын киллэрдэ.
Ньурбатааҕы Ис дьыала отделын үлэһиттэрэ бэҕэһээ маскировочнай ситим матырыйааалын «КөмүсКэл» сыахха үөрүүлээх быһыыга-майгыга туттардылар. Бу маскировочнай ситим аҥардас матырыйааал эрэ буолбакка, биһиги буойуттарбыт олохторун харыстыыр, кинилэри өстөөх ытыытыттан көрбөт гынар суолталаах көмүскэл буолар.
«КөмүсКэл» волонтерскай сыахха Ньурба куорат көхтөөх дьахталлара — биһиги эдьиийдэрбит, ийэлэрбит биир санаанан түмсэн үлэлээн, СВО зонатыгар баар уолаттарбытыгар наадалаах арааһы тигэн, оҥорон ыыталлар. Бу сыахха Ньурбатааҕы Ис дьыала отделын кэлэктиибэ туттарбыт маскировочнай ситимин матырыйаала дьон олоҕун харыстыыр эрэллээх хахха буолан, хайаан да тиийиэхтээх сиригэр тиийэн, буойуттарбыт олохторун, доруобуйаларын харыстаһыаҕа.
Бу үтүө дьыала – Ийэ дойдуга бэриниилээх буолуу, биир дойдулаахха харыстабыллаах сыһыан үтүө холобура. Ньурбатааҕы Ис дьыала отделын кэлэктиибигар, «КөмүсКэл» сыах үлэһиттэригэр, ону тэҥэ бу көмөҕө кыттыспыт хас биирдии киһиэхэ барҕа махталбытын тиэрдэбит!
Бары бииргэ — кыайыыга! Түмсүүлээх буоллахпытына — кыайыы биһиэнэ буолуоҕа!
«Ньурба оройуона» МО Дьаһалтатын пресс-сулууспата.