Улуустааҕы тыа хаһаайыстыбатын департаменын салайааччыта Леонид Ушканов иһитиннэрэринэн, атырдьах ыйын 1 күнүнээҕи туругунан улууска 7619 т от бэлэмнэннэ.
Ол иһигэр бааһынай хаһаайыстыбалар — 2382 т, чааһынайдар – 4189 т, тэрээһиннээх хаһаайыстыбалар — 1024 туонна, көмөлтө хаһаайыстыбалар – 24 т. Сезоннааҕы былаан туолуута 27%-ҥа тэҥнэстэ.
Ходуһаҕа 11 мехзвено (тэрээһиннээх хаһаайыстыбаларга – 9, бааһынай хаһаайыстыбаларга – 2), ситэтэ суох механизациялаах 235 звено (бааһынай хаһаайыстыбаларга – 76, чааһынайдарга – 159), 105 илии звенота (бааһынай хаһаайыстыбаларга – 26, кэтэх хаһаайыстыбаларга — 79) үлэлээн күөх быйаҥтан сомсоллор. Улуус үрдүнэн окко 305 тиэхиньикэ үлэлии сылдьар. Барыта 8615 гаа сир охсулунна.
Билиҥҥитэ күн-дьыл туруга үчүгэй, онон бу кэми баттаһа отчуттар күүскэ оттоотохторуна сүөһүбүт-сылгыбыт кыстыыр отун булунуохпут, — диир Леонид Владимирович.
Геннадий Антонов.