Бүгүн Бөтүрүөп күнүгэр куйаас үгэннээн турар кэмэ. Сайыны көрсүү ыһыах кэнниттэн дьон күүрээннээх үлэҕэ турунан окко киириигэ бэлэмнэнэр.
Бөтүрүөп күн ардах түспүтүн кэннэ, сарсыныгар, 13 чыыһылаҕа окко киирии бобуулааҕа.
«Аар-Айыы» итэҕэлин XI кэрдиистээх алгысчыта, үрдүк категориялаах норуот эмчитэ, Норуоттар икки ардыларынааүы ЮНЕСКО иһинэн норуоттар мэдиссиинэлэрин магистра Алиса Михайловна Иннокентьева бу туһунан бу курдук этэр.
-Билиҥҥи дьон бэйэлэрэ тугу саныылларынан араастаан фантазиялаан суруйаллар.Мин билиҥҥини улаханнык ылыммаппын. Урут күн былдьаһыга буолааччы. Биир да күн өрөөбүппүтүн өйдөөбөппүн. Мин санаабар, ити күн от-мас күүһүрэр кэмэ эбит. Урут Бөтүрүөп күн аҕабытыгар от хомуйсар этибит. Биһиги дьоннорбут окко киирэн оттооччулар.
Айылҕа ол саҕана атын, алдьаныыта суох эрдэҕинэ чуолкай буолааччы. Бөтүрүөп таҥаратын аһарааччыта суох ардааччы, сири сиигирдэн инчэтэр этэ.
Ол аата Айылҕа күүһэ туһунан сокуоннардаах. Сиэри-туому тутуһууга таҥас кырадаһына, үрүҥ астан үүт илдьэн сири аһатан баран хомуйааччыбыт.
«Ньурба» хаһыат