💞👨👩👦👦Бүгүҥҥү тэрээһин улуустааҕы ГТАС дьиэтиттэн саҕаланна. Үөрүүлээх түгэҥҥэ Октябрьскай нэһилиэк олохтоохторо Михайлов Арсен Дмитриевич, Васильева Мариника Александровна ыал буолуу туоһу суругу, Акулина Даниловна, Валерий Софронович Ивановтар дьиэ кэргэннэрэ ыал буолан олорбуттара 54 сылынан, кыһыл көмүс сыбаайбаларынан ГТАС салайааччыта Альбина Алексеева эҕэрдэлээтэ.
💗Тапталлаахтар сквердэрэ Дьиэ кэргэн күнүгэр бүгүн уратытык киэргэйбит, дьон настарыанньалара көтөҕүллүбүт. Улуус баһылыгын социальнай боппуруоска солбуйааччы Наталья Петрова бырааһынньыгынан мустубут дьону эҕэрдэлээн туран, 💑Константин Афанасьевич, Валерия Гаврильевна Владимировтар дьиэ кэргэннэригэр, «Эдэр дьиэ кэргэн-2024» өрөспүүбүлүкэтээҕи күрэх кыайыылаахтарыгар СӨ Үлэ уонна социальнай сайдыы министиэристибэтин туоһу суругун уонна «Ньурба оройуона» МТ баһылыгын махтал суругун туттарда.
«Тыа сиригэр олохтоох дьиэ кэргэн-2024» өрөспүүбүлүкэтээҕи күрэх кыттыылаахтара Андрей Николаевич, Надежда Анатольевна Тихоновтар, «Кыһыл көмүс дьиэ кэргэн-2024» бэлиэлээх Василий Гаврильевич, Ольга Федоровна Ушкановтар, «Элбэх оҕолоох дьиэ кэргэн-2024» өрөспүүбүлүкэтээҕи күрэх кыттыылаахтара Анатолий Анатольевич Слепцов, Евдокия Владимировна Гуринова чиэстэннилэр.
Маны таһынан Ньурба улууһун Аҕа баһылыгын 1481 №дээх дьаһалынан 4-с уонна онтон кэлэр оҕолорун төрөөбүт ийэлэргэ, дьиэ кэргэттэргэ анаммыт «Ньурба дьиэ кэргэнэ» ийэ хапытаалын сэртипикээтин, «Таптал уонна бэриниилээх буолуу» Бүтүн Арассыыйатааҕы мэтээли 1973 сыл балаҕан ыйын 1 күнүгэр ыал буолбут Макар Васильевич Семенов, Марта Ивановна Степановаҕа, 1970 сыл сэтинньи 8 күнүгэр ыал буолбут, 6 оҕону төрөтөн улаатыннарбыт Валерий Софронович, Акулина Даниловна Ивановтарга, 1971 сыл тохсунньу 28 күнүгэр ыал буолбут, 4 оҕону күн сирин көрдөрбүт Василий Гаврильевич, Ольга Федоровна Ушкановтарга, 1971 сыл атырдьах ыйын 9 күнүгэр ыал буолбут, 4 оҕо төрөппүттэригэр Октябрьскай нэһилиэктэн Анатолий Трофимович, Мария Ивановна Афанасьевтарга үөрүүлээх быһыыга-майгыга туттартаата.
«Ньурба куорат» баһылыга Геннадий Игнатьев «Таптал уонна бэриниилээх буолуу» Бүтүн Арассыыйатааҕы мэтээли Ньурба куорат олохтоохторугар Тамара Васильевна, Август Николаевич Семеновтарга, Меркурий Николаевич, Варвара Николаевна Сабычыковтарга эҕэрдэ суруктары сэргэ туттарда.
Улуустааҕы социальнай харалта салалтатын салайааччыта Ирина Находкина дьиэ кэргэн дьиэ тутталларыгар анаммыт биир кээмэйдээх төлөбүрдээх сэртипикээттэри Шадрина Матрена Викторовнаҕа, Семенова Айталина Борисовнаҕа, Самсонова Саргылана Васильевнаҕа, Габышева Туяра Архиповнаҕа туттартаата.
Ньурба куорат дьахталларын сэбиэтин председателэ Изамира Семенова эҕэрдэ тыл эттэ, Ньурба куорат биир убаастанар ыалыгар Тамара Васильевна, Август Николаевич Семеновтарга дьахтар сэбиэтин аатыттан бэлэх туттарда.
Түмүккэ саҥа ыал буолар эдэр ыалларга Арсен Дмитриевич, Мариника Александровна Михайловтарга ыал буолуу туоһу суруктарын, уонна кыһыл көмүс сыбаайбалаах дьиэ кэргэн ийэтигэр Акулина Даниловна Ивановаҕа Ил Дархан Айсен Николаев эҕэрдэ суругун, «Килбиэннээх дьиэ кэргэн» бэлиэни ГТАС салайааччыта Альбина Алексеева үөрүүлээх түгэҥҥэ туттартаата.
Бүгүҥҥү тэрээһин кыттыылаахтара, дьиэ кэргэннэр паараларынан вальска эргийиилэринэн түмүктэннэ.
Антонина Семенова