Бүгүн Ньурба к. Степан Васильев болуоссатыгар СӨ Судаарыстыбаннаһын күнүгэр аналлаах үөрүүлээх миитин ыытылынна. 
Степан Васильев пааматынньыгар гирлянда уурулунна. Истиҥ-иһирэх эҕэрдэ тылларын улуус баһылыгын 1-кы солбуйааччыта Василий Семенов, Ньурба куорат баһылыга Геннадий Игнатьев, сэрии оҕолорун Сэбиэтин бэрэссэдээтэлэ, КПРФ райкомун бюротун чилиэнэ Иван Николаев, ыччат дьыалатын уонна имидж бэлиитикэтин управлениетын проектнай отделын салайааччыта Елена Дьячковская, А.Н.Чусовской аатынан Ньурбатааҕы техническэй лицей 10 кылааһын үөрэнээччитэ Иннокентий Охлопков эттилэр.
Тэрээһин бэлиэ түгэнинэн Ньурбатааҕы судаарыстыбаннай тыйаатыр дириэктэрэ Николай Никитиҥҥэ СӨ Ил Дарханын Грамотатын, «Кыталык» КД үлэһитэ Таисия Кучуроваҕа «СӨ үтүөлээх этээччитэ» дастабырыанньатын уонна 14 саастарын туолбут оҕолорго РФ пааспарын туттарыыта буолла. Үөрүүлээх тэрээһин киэҥ түһүлгэлээх оһуохайынан түмүктэннэ.
Геннадий АНТОНОВ.
СӨ Судаарыстыбаннаһын күнүгэр наҕараадалары уонна РФ пааспардарын туттардылар
