Өрөспүүбүлүкэҕэ, дойдуга Ийэ күннэрин чэрчитинэн «Түһүлгэ» норуот айымньытын дьиэтигэр СВО кыттыылаахтарын ийэлэригэр, кэргэттэригэр, чугас дьонноругар эҕэрдэ концерт, дьоһун бириистэрдээх оонньуулар, итии чэйдээх көрсүһүү тэрилиннэ.
Бойобуой дьайыы бэтэрээннэрин Ньурбатааҕы «Мохсоҕол» общественнай түмсүү бэрэссэдээтэлэ Родион Александров өрөспүүбүлүкэ СВО бэтэрээннэрин холбоһуктарын «Аҕа дойдуну көмүскээччи ийэтэ», «Аҕа дойдуну көмүскээччи кэргэнэ» бэлиэлэри туттарбыта биир долгутуулаах түгэн буолла.
Ону тэҥэ тустаах исписэлиистэр үлэлээтилэр.
Ити курдук түмсэн, күннээҕи олохтон, сүрэххэ баар толкуйтан аралдьыйан, күүстээх санаалаах ийэлэр, кэргэттэр сэргэхсийэн аастылар.
Октябрьскай нэһилиэк дьаһалтатын пресс-киинэ