Сүлэҕэ куйуур күрэҕэ

 Түлүк ууттан уһуктан, тыа хаарын тэбэнэн, кыһыҥҥы томороон тымныылар ааһаннар, сааскы күн сандаарыччы тыган, дьон-сэргэ сэргэхсийэн кэлиэх-барыах, хамсаныах санаата киирэр. Биир итинник сааскы күн Сүлэ нэһилиэгэр Оройко күөлугэр саха төрүт дьарыгар куйуурдааһыҥҥа «Куйуур-2024» күрэҕэ буолан ааста.

Маннык ураты балыктааһын курэҕэ сахаларга эрэ баар. Күрэх нэһилиэнньэни, эдэр ыччаты саха төрүт дьарыгар, куйуурдааһыҥҥа уонна балыктааһыҥҥа угуйуу, чөл олоххо сыһыары тардыы диэн сыаллаах-соруктаах ыытыллынна. Күрэхтэһии 7 туһумэхтэн турда: сыал ытыы, волокушалаах эстафета, мээчик хабыы, хомуур хапсаҕай, хаарынан сыыллыы, туөрэй быраҕыы, викторина.

Хамаанданан курэхтэһиигэ уопсайа 4 хамаанда кытынна. Ол курдук, 1 миэстэни «Феникс» (Шойдак Наччын, Андреева Нюргуяна, Харов Сергей) – 12 тыh. солк; 2 миэстэни – «Байанай» хамаанда (Афанасьев Вова, Афанасьева Вера, Филиппов Радион) – 9 тыh.солк; 3 миэстэни – «Охотник» хамаанда (Афанасьев Никон, Иванова Ульяна, Сивцев Руслан) 6 тыh. солк; 4 миэстэни – «Булчут» хамаанда (Иванов Артём, Иванова Екатерина, Иванов Эр-Хаан) – 4 тыh. солк наҕараадаланнылар. Хамаанданан курэххэ нэһилиэктэн хомуллубут харчы туттарылынна.

Маны таһынан, кэрэ аҥаардарга аналлаах сурдээх сэргэх курэх буолла. Бу курэххэ 1 миэстэни Сачарысова Яна ( ИП «Байар» туруорбут сливочнай арыыта), 2 миэстэни — Иванова Ульяна ( ИП Казаков туруорбут шашлыга), Николаева Ирина, Евсеева Матрена, Николаева Алена, Афанасьева Раиса ( ИП «Байар» туруорбут үрүҥ ас набуора) наҕараадаланнылар. Эбэ барахсан, ып-ыраас, мап-маҥан хаарынан бүрүллэн, баар минньигэс собобун сомсон ылын диэбиттии нэлэһийэн турара туспа көстүү буолан уонна булт абылаҥар ылларыы тыынын биэрдэ.

Биирдиилээн күрэхтэһиигэ «Ойбон тэһээһин» 50+ сааһыттан эр дьоҥҥо 1м — Филиппов Владимир (ИП Афанасьев А.А. туруорбут 10кг сливочнай арыыта), 2м-Николаев Иван, 3м-Хартасов Гаврил буоллулар.

Буурунан оскуола оҕолоругар лууҥка тэһээһиҥҥэ 1м-Сивцев Руслан (ИП Михайлов И.Ю. туруорбут монгольскай утуйар мешога), 2м-Филиппов Радион, 3м-Иванов Эр-Хаан буоллулар. Саргылаана Васильевна Николаева туруорбут анал бирииһэ 3000₽ саамай эдэр күрэхтэһээччигэ Сивцева Русланна туттарылынна. «Саамай улахан балык» курэххэ 1м-Николаев Иван (С.С.Сюльскай аатынан Сүлэ орто оскуолата туруорбут анал бэлэҕин сварочный аппараты) ыраастык ылла.

«Бастакы балык» – Андреев Григорий (Адм. 4000₽ сертификата), «Кырдьаҕас балыксыт» – Алексеев Прокопий (ИП Андреев Г.Г., Васильев М.Н. туруорбут анньыылара), «Сүлэ саамай эдэр куйуурдьута» — Афанасьев Никон («Улыбка» о/с туруорбут коптильнята), «Көхтөөх ыал»-Иванов Артем(ИП Николаев Н.И. туруорбут 20 бочка уу уонна кулууп 2000₽ сертификата), «Саамай элбэх ойбону тэспит»-Афанасьев Никон (спонсор СВО кыттыылаага Федоров С.Н. туруорбут электромонога), «Кыайыыга дьулуһуутун иһин»-Хартасов Г.Н. (спонсор Адм. 4000₽ сертификата), «Көхтөөх саастаах кыттааччы»-Иванов А.А. (спонсор Сүлэ нэһилиэгин дьахталларын тумсуутэ туруорбут саха быһаҕа), «Көхтөөх эдэр кыттааччы»-Николаев Уйгулаан (д/с «Улыбка» туруорбут күлуус набора), «Көхтөөх кыттааччы»-Павлов Н.В. (спонсор кулууп 2000₽ сертификата) туттарылыннылар. Бүгүҥҥү күрэх муҥутуур кыайыылааҕынан Андреев Григорий (спонсор Филипповтар дьиэ кэргэттэрэ туруорбут автомойкалара) буолла.Табаарыстыы уолаттар СВО кыттыылаахтара Афанасьев Н.К.Никифоров П.Н.спонсор туруоран 20 тыһ.солк. суумаҕа хаас мончууктары Николаев И.Н.туттардылар.

Сонун, сэргэх, өбүгэ үгэһин сөргүтэр күрэхтэһиигэ бириистэри туруорбут спонсордарбытыгар барҕа махталбытын тириэрдэбит. Эһиги ис сурэххититтэн бүгүҥҥу курэххэ спонсордаабыт буолаҥҥыт, кыттыбыт дьон бука бары илии тутуурдаах, өттүк харалаах тарҕастылар. Эһиэхэ баҕарыа этибит кытаанах доруобуйаны,  дьиэ кэргэҥҥитигэр эйэни, дьолу.

Дьэ, онон Сүлэҕэ «Куйуур-2024» курэх үрдүк таһымҥа тэриллэн, санаа хоту ааста. Тэрийээччилэр сыллата куйуур курэҕин кэҥэтэн, кыттааччылары элбэтэр соругу туруоруннулар.

Афанасьев А.А.,

Сүлэ нэh. Аҕа түмсүүтүн салайааччыта