«Сахалыы дьыктаан» аахсыйа ыытыллыбыта быйыл номнуо 11 сыла.
Өҥөлдьө нэһилиэгэр олунньу 15 күнүгэр өрөспүүбүлүкэ үрдүнэн ыытылла турар «Сахалыы дьыктаан» суруйуутугар, биһигиттэн 12 улахан киһи кытынна, олортон: 4 суруксут — «Бастыҥтан бастыҥ», 1 — «Бастыҥ суруксут», 1 — «Үчүгэй суруксут» анал ааттары уонна барыларыгар «Туоһу сурук» туттарылынна.
Бу тэрээһин оскуола оҕотуттан саҕалаан улахан дьоҥҥо тиийэ табатык суруйууну уонна төрөөбүт төрүт тыл кыһалҕаларыгар уопсастыба араас араҥатын болҕомтотун тардар сыаллаах ыытылынна.
Быйылгы дьыктаан саха фронтовик суруйааччыта Тимофей Сметанин — «Кыайбыттар ыһыахтара» айымньытынан суруйуу буолла.
Кыттыбыт суруксуттарбытыгар барҕа махталбытын тиэрдэбит.
Олимпиада Степанова, бибилэтиэкэр