Тыа хаһаайыстыбатыгар туһалаах үөрэх

🌾🌾🌾СӨ ситэриилээх былааһын ааспыт сыллааҕы үлэтин отчуотугар киирбит туруорсуулар түмүктэринэн, кулун тутар 20 к. Административнай киин мунньахтыыр саалатыгар тыа хаһаайыстыбатыгар суолталаах сэминээр буолан ааста.

Дьокуускайтан СӨ Тыатын хаһаайыстыбатын уонна аска-үөлгэ министиэристибэтин иһинэн «АПК-ны ресурсанан хааччыйыы” тэрилтэ үлэһитэ Ньургуйаана Михайловна Скрябина туһааннаах эйгэ үлэһиттэригэр сүбэ-ама бэрээдэгинэн үөрэх ыытта. Буолаары турар ТХМ хайысхатынан «Агростартап” уонна “Дьиэ кэргэн фермерэ” грантовай куонкурустарга быйыл киирбит уларыйыылары билиһиннэрдэ. Иккис боппуруоһунан кэпэрээссийэ сайдыытын боппуруостарын сырдатта.
Сэминээргэ быйылгы грантовай куонкурустарга кыттааччылар уонна нэһилиэктэргэ тыа хаһаайыстыбатын потребительскэй кэпэрэтииптэрин тэрийэр баҕалаах дьон, тыа хаһаайыстыбатын исписэлиистэрэ – барыта 30-тан тахса киһи сырытта.


Геннадий Антонов