Араас хабааннаах үлэҕэ үбүлээһин куонкурс чэрчитинэн буолар буолбута быданнаата. Өссө биһиги промышленнай улуус муниципальнай тэриллиитэ буоламмыт икки өттүттэн кыттыһыы быһыытынан былаан олоххо киирэригэр хапсыахпытын сөп. Холобур, былырыын улуус бүддьүөтүн уонна өрөс пүүбүлүкэ дорожнай фондатын суотугар Тыалыкыга 1,2 км суол аспаалламыта. Бу үлэ салҕанан быйыл Теленков уулуссаҕа аспаал тэлгэнэрэ күүтүллэр.
Куонкурстарга төннүөххэ. Сыллата ыытыллар куонкурстартан биирдэстэрэ ППМИ. Өрөспүүбүлүкэ үп-харчы министиэристибэтэ «Программа поддержки местных инициатив» бырагырааматыгар Октябрьскай нэһилиэк дьаһалтата 2018 сылтан кыттар. Дьоҕус бырайыактарынан киирсэргэ бу саамай сөптөөх куонкурс. Алта төгүл кыттааһынтан түөрдэ ситиһиилээх: 2018 с. сайыҥҥы водопровод, суол өрөмүөнэ, 2020 с. паарканы тупсарыы, 2021 с. мусорнай туочкалары оҥоруу, 2023 с. кылабыыһаны күрүөлээһин сотору саҕаланыа, аукцион нөҥүө бэдэрээтчик биллэн турар.
Бу түөрт бырайыак күүстээх түмсүү баар буолан олоххо киирбиттэрин чорботон этэр хайаан да наада. Өрөспүүбүлүкэттэн биир бырайыакка 1,5 мөл. диэри көрүллэр, атынын олохтоох дьаһалта, спонсордар, олохтоохтор кыттыһаллар.
Ол курдук, олоххо киирбит кэнники икки бырайыагы ылан көрдөххө маннык: паарканы күрүөлээһиҥҥэ, уотун, ортотугар баар олорор сирин оҥорууга олохтоох бүддьүөттэн 225 тыһ., нэһилиэнньэттэн 100 тыһ., спонсордартан 225 тыһ. солк.; тоҕус мусорнай туочка оҥорууга бүддьүөттэн 184 тыһ., олох тоохтортон 127 тыһ. үбүлэммитэ. Быйылгы сылга кылабыыһаны күрүөлээһин үлэтигэр биирдиилээн кыттыһар спонсордар бааллар, олохтоохтор инникитин курдук көхтөөх буолуохтара диэн эрэл эмиэ баар.
Октябрьскай нэһилиэк дьаһалтатын пресс-сулууспата