🐓🐤🐤Муус устар 14 күнүгэр улууспут ыраах сытар 5 нэһилиэгэр: Хатыыга, Маалыкайга, Малдьаҕарга, Чукаарга, Өҥөлдьөҕө тыа хаһаайыстыбатын департаменын көҕүлээһининэн, Дьокуускайдааҕы Көтөр фабрикатыттан 500 төбө 105 хонуктаах (3,5 ыйдаах) кууруссалар аҕалылыннылар. Кууруссалары Дубинин И. И. ИП тэрилтэтин массыыната тиэйэн аҕалан, ити нэһилиэктэргэ суолу баттаһа миэстэтигэр тиэрдитэлээн биэрдэ.
Тыа хаһаайыстыбатын департаменын аатыттан ИП Тихонов А. Н., ИП Дубинин И. И., Ньурбатааҕы Көтөр фабрикатыгар ( гендириэктэр Гаврильев П. И.) барҕа махталбытын тиэрдэбит.
Маннык дьаһаныы сайыҥҥы өттүгэр суола-ииһэ ыарахаттардааҕын учуоттаан, нэһилиэнньэни куурусса сымыытынан хааччыйар сыаллаах оҥоһулунна. Оттон улуус кииниттэн чугас сытар нэһилиэктэр сымыытынан хааччыллыыга күчүмэҕэйдэри көрсүбэттэр.
Улуустааҕы тыа хаһаайыстыбатын департамена