Бу нэдиэлэҕэ улууска биллэр-көстөр үлэлээх урбаанньыт, Антоновкаҕа халбаһы оҥорор сыахтаах Альберт Васильев халбаһы 2 саҥа арааһын оҥорон таһаарда. Ууга буспут-ыыһаммыт (варенай-копченай) «Дьол» уонна сервелат «Куочай» диэннэр.
«Рецептуратын бэйэбит оҥордубут, докумуоннаттыбыт, — диир Альберт Иванович. — Састааптара, туттуллар тумата (специята) отой атын, итиэннэ балар «А» категорияҕа киирсэллэр. Уруккулар «Б» категориялар этэ. Итинэн оҥорор халбаһыбыт арааһын 6-ҕа тиэртибит. Маны таһынан сибиинньэ этин ыыһаан эмиэ атыыга таһаарабыт. Бородууксуйабыт Убайааҥҥа «Скорай» таһынааҕы оптуобус тохтобулугар баар «Мургун» маҕаһыыҥҥа атыыланар.
Геннадий Антонов