Ахсынньы 2 күнүгэр Ньурба кырачаан гимнастка-кыргыттара (7-8 саастаах) дойдуларын аатын Сочи куоракка ыытыллыбыт «Кыайыыга эрэл» регионнааҕы күрэххэ дорҕоонноохтук ааттаттылар.
Уон кыттааччы биирдиилээн күрэххэ бары бириистээх миэстэҕэ тигистилэр. Бөлөҕүнэн күрэххэ «Алмазики» хамаанда 2 миэстэ, дуэт күрэҕэр 1 миэстэ ыллылар. Кыра спортсменкалар «Авокадики» ЦДО утумнаахтык дьарыктаммыттарын түмүгэр кыайыы кынаттаммыттарыгар саарбах суох.
Төрөппүттэр оҕолор тренэрдэригэр Мария Алексеевнаҕа, Саха Өрөспүүбүлүкэтин художественнай гимнастикаҕа ыст. тренэригэр, ССРС спордун маастарыгар Татьяна Кирилловна Шишигинаҕа, күрэхтэһиигэ арыаллаабыт төрөппүттэргэ муҥура суох махтаналлар.
Үүнүҥ-сайдыҥ, Ньурба кэрэчээн кыргыттара!
«Ньурба» хаһыат