Саҥа дьыл уһун өрөбүллэригэр Н.И.Кочнев аатынан Хаҥалас орто оскуолатын «Туллукчаан»үҥкүү ансаамбыла Кытай норуодунай өрөспүүбүлүкэтин Удалянчи куоратыгар «Доҕордоһуу 2024″Аан дойдутааҕы оҕо бэстибээлигэр кыттан, бастакы истиэпэннээх лауреат үрдүк аатын ылан биир дойдулаахтарын үөртүлэр.Ансаамбылы алын сүһүөх кылаас эдэр учуутала Милена Прокопьевна иккис сылын утумнаахтык дьарыктыыр.Ааспыт үөрэх дьылыгар үҥкүүһүт оҕолор «Бриллиантовые нотки»фестивальга ситиһиилэнэн,Өлүөнэ остуолбаларынан сынньанан, теплоход сынньанааччыларыгар кэрэ түгэннэри бэлэхтээн кэлбиттэрэ.
Китайга ыытыллыбыт баай ис хоһоонноох тэрээһинтэн оҕолор олус элбэҕи билэн-көрөн, оҕо саас үөрүүтүн үллэстэн дуоһуйан кэллилэр.Китай курдук улуу дойду баай остуоруйата сөхтөрдө, остуоруйа дойдутугар сылдьан кэлбит курдук сананнылар.Онон үүммүт 2024 сыл-дойдубутугар биллэриллибит Оҕо саас сыла биһиги оҕолорбутугар уруйдаах үөрүүннэн саҕаланна.Бу умнуллубат күннэри бэлэхтээбит салйааччыларыгар, оҕолору ис сүрэҕиттэн таптыыр эдэр учуутал Милена Ивановаҕа төрөппүттэр оҕолор истиҥ махталларын тиэрдэллэр.Инникитин да олорор олохпут кэрэтин, умсулҕанын көрдөрөр үҥкүү абылаҥа ситиһиилээри аҕала туруохтун.
Мария Николаева,хаһыат уопсастыбаннай кэрэспэдьиэнэ.