Алтынньы ый 20 күнүгэр Түмүк нэһилиэгин «Алгыс» норуот айымньытын киинигэр Марха куустатын «Үрүҥ торуоска» хараҕынан доруобуйаларыгар хааччахтаах дьон ыйын чэрчитин көрсүһүү ыытылынна.
Тэрээһиҥҥэ оройуоннааҕы социальнай уонна дьиэ кэргэн боппуруостарын отделын сүрүннүүр исписэлииһэ Анжелика Никифорова салататынан, Ньурба улууһун социальнай харалта исписэлииһэ Лариса Андреева, улуустааҕы көрбөттөр уопсастыбаларын салайааччыта Светлана Яковлева, МСЭ Бюротун 15 нүөмэрдээх Ньурбатааҕы филиалын салайааччыта Наталья Семенова, Ньурбатааҕы оройуоннай балыыһа сүрүн бырааһын солбуйааччыта Николай Анисимов, «Мои документы» государственнай уонна муниципальнай өҥөлөрү оҥорор киин исписэлииһэ, Ньурбатааҕы дьарыктаах буолуу киин исисэлииһэ Надежда Тихонова кыттыыны ыллылар.
Тэрээһин кыттааччылара тустаах боппуруостарга көмө ылан, маастар кылаастарга кыттыыны ыллылар.
Мантан салҕыы «Үрүҥ торуоска» ыйын чэрчитинэн Маалыкай куустатыгар, Октябрьскай, Чаппанда нэһилиэктэригэр, Ньурба куоратыгар ыытыллыахтара.
✍🏻Динара Алексеева