Бу күннэргэ Антоновка эдэр ыччатын көҕүлээһининэн Ньурба улууһун ыччатын түмэ тардан, биллэр биир дойдулаахпыт судаарыстыбаннай, бэлэтиичэскэй диэйэтэл Александр Гаврилович Габышев олоҕун, үлэтин сырдатар көрсүһүүлэри тэрийэллэр.
Ол курдук, сэтинньи 25 к. Дьиикимдэ, Сүлэ, Антоновка эдэр ыччата «Айыы Тайбыт» култуура киинигэр мустан, А.Г. Габышевка аналлаах иһитиннэриилэри, лиэксийэлэри иһиттилэр, квиз-оонньууга билиилэрин холоннулар. Түмэлбит үлэһитэ Иннокентьева А.П. Александр Габышев олоҕун, үлэтин туһунан мустубут эдэр ыччакка кэпсээтэ. Маны таһынан, Ньурба түмэлин пуондатыттан А.Г. Габышев олоҕун кэрэһэлиир быыстапка турда.
Аныгыскы ыччат көрсүһүүтэ Маар сэлиэнньэтигэр сэтинньи 28 к. күнүс 15.30 ч. «Алгыс» култуура киинигэр буолуоҕа. Манна Таркаайы, Дьаархан, Үөдэй, Хаҥалас, Акана эдэр ыччата мустуоҕа.
Ньурба түмэлин пресс-сулууспата