Бүгүн, алтынньы 13 к., СӨ военкома полковник Александр Авдонин, СӨ Ил Дарханын уонна Бырабыыталыстыбатын Дьаһалтатын анал бырагыраамаларын управлениетын салайааччыта Андрей Никифоров, 14129 №-дээх байыаннай чаас кээмэйдиир пуунун салайааччыта, подполковник Владимир Леоненко Ньурбаҕа кэлэ сырыттылар.
Улуустааҕы оперативнай ыстаап сүбэ мунньаҕа ыытылынна. Сүрүннээн аармыйаҕа күһүҥҥү хомуур уонна СВО боппуруостара дьүүллэһилиннэ. Аармыйаҕа суһал сулууспаҕа хомуур былаана үрдэтиллибит. Анал байыаннай эпэрээссийэ кыһалҕалаах боппуруостарын тула кэпсэттилэр. Улуус салайааччылара сүтүктээхтэрин ирдэстилэр. Эрдэ кыаллыбакка турбут боппуруостар быһаарылыннылар, буойуттар аймахтарыттан ДНК анаалыстара ылыллан барбыта.
Итини таһынан ыалдьыттар ыйытыктарга хоруйдаатылар. Александр Авдонин иһитиннэрбитинэн, Анал байыаннай эпэрээссийэ кыттыылаахтарын ортотугар демобилизация буоларын туһунан кэпсэтии барбат, бу туһунан информация суох. Суһал байыаннай сулууспа болдьоҕо 1 сылтан 2 сылга диэри уһуурун туһунан иһитиннэрии эмиэ суох.
Улуус дьаһалтатын пресс-сулууспата.