Афанасий Афанасьев Ньурбаҕа ыалдьыттыыр


Афанасий Дмитриевич быйыл алтынньыга 60 сааһын туолар уонна сыана5а тахсыбыта 45 сылын бэлиэтиир үбүлүөйүгэр аналлаах бэлэмнэнии үлэтэ бара турарын үллэстэр:
«Былырыыҥҥыттан «Айар кут» медиа-киин бырайыагынан Чаппанда нэһилиэгэр кэлэн, култуура десанынан үлэлиибит. Ньурба улууһун култуурнай уонна социальнай сайдыытыгар кылааппытын киллэрсэн, араас тэрээһиннэргэ кыттыыны ыллыбыт. Ол курдук, атырдьах ыйын 23 күнүгэр реабилитационнай кииӊӊэ ыҥырыллан «Оҕону оскуолаҕа тэрийэн ыыт» диэн үрдүк таһымнаах уонна суолталаах аһымал акцияҕа кыттыстыбыт.
Үбүлүөйдээх сылбын «Артсезон» диэн ааттыбын. Быйыл Байкал күөлгэ, Кытай Харбин куоратыгар сынньана, күүлэйдии барбытым таһынан, онно ыытыллар араас тэрээһиннэргэ кыттан, Сахам сирин култууратын, үӊкүүтүн көрдөрдүм. Чурапчы улууһугар, Мэҥэ Хаҥаласка уо.д.а оройуннары кэрийэн, сайыммын түмүктээн бу Ньурбаҕа кэлэ сылдьабын. Үүнэр көлүөнэ5э култуура кэрэ эйгэтигэр интэриэһи тардар туһугар бары ыытыллар тэрээһиннэргэ кыттыһан, флэшмобтары, чэбдигирдэр сэрээккэлэри ыытыстым. Эдэр ыччаты кытта Kit Jah ырыатыгар килиип сыаналара уһуллуутугар күүс-көмө буоллум. Үйэм тухары үӊкүүнү өрө туппут артыыс буоларым быһыытынан, сири-дойдуну кэрийэ сылдьан сатабылбын үллэстэрбин олус астынабын, дьоллоо5унан аа5ынабын.
Ньурба улууһун этническай фольклорун, култууратын улаханнык сэргиибин, дьоно- сэргэтэ алама5ай, аһа5ас майгыта олус истиӊ, онон Ньурбаны наһаа сөбүлүүбүн. Үбүлүөйдээх сылбар манна кэлбиппиттэн үөрэн-көтөн туран, оройуон олохтоохторугар дьолу-соргуну, иллээх-эйэлээх оло5у, үүнүүнү-сайдыыны ба5арабын!