Д.И.Николаев аатын сүгэр Киирэптээҕи орто сүһүөх оскуолатын көхтөөх кэлэктиибэ, дириэктэр Иванова Лаура Никитична, биир дойдулаахпыт, Анал байыаннай дьайыы кыттыылааҕа Левицкай Андрей соҕотох олорор эһээтигэр мас хайытан, саһааннаан биэрдилэр.
Кэлэктиип нэһилиэк общественнай олоҕор олус көхтөөхтүк кыттар, араас хабааннаах субботниктары оҥорон кырдьаҕас, кыаммат, доруобуйаларынан хааччахтаах нэһилиэк дьонугар өрүү көмөлөһөр. Ол курдук уокка оттор мас бэлэмнээһинигэр, муус ылааһыҥҥа, тиэйэн киллэрээһиҥҥэ, саас хаар таһыытыгар көмө буоланнар биир дойдулаахтарын махталларын ылаллар.
Эдэр, эрчимнээх, көхтөөх коллективка үлэҕитигэр ситиһиини, чэгиэн туругу, ахсаабат кыһамньыгытынан дьон-сэргэ махталын ыла тураргытыгар баҕарабыт.
Бибилэтиэкэр Николаева А.И.