Анал байыаннай дьайыыга кытта сылдьар дьоҥҥо көмөлөһөн, кыайыыны чугаһатар баҕа санаалаах Акана нэһилиэгин бочуоттаах олохтоохторо, үлэ ветераннара Егор Иванов, Татьяна Данилова блиндажка туттуллар чүмэчилэри оҥорон туттардылар, диэн «Ньурба» хаһыат суруйар.
Акана нэһилиэгин дьаһалтатын, библиотекатын, М.Н. Петрова -Тойуктаах Марыына аатынан култуура уонна успуорт киинин үлэһиттэрэ, эдэр ыччаттар, П.С.Егоров аатынан Акана орто оскуолатын коллектива, үөрэнээччилэрэ маскировочнай сеткалары өрөн, «КөмүсКэл» сыахха туттарбыттара. Эбии ылан оҥоро сылдьаллар.
«Акана» диэн иистэнньэҥнэр хамаандалара тэриллэн, «Илии сылааһа» III-с өрөспүүбүлүкэтээҕи байыаннай таҥас тигиитин күрэҕэр кытта сылдьар. Олохтоох сыах П.С.Егоров аатынан Акана орто оскуолатыгар үлэлии олорор.
Васильева С.В.