Аканаҕа ситэриилээх былаас отчуота буолуон аҕай иннинэ олохтоохтор эрдэттэн былаас отчуотугар бэлэмнээбит боппуруостарын тустаах салайааччылары кытары сирэй көрсөн биэрдилэр.
Ол курдук анал дьайыы кыттыылаахтарын дьиэлэрин киинтэн ититиигэ холбонууга туох көмө көрүллэрин туоһуластылар.Маны сэргэ тыа хаһаайыстыбатыгар Чкаловка саха сүөһүтүгэр иккис хотон тутуутун, саха сүөһүтүн үүтүн переработкалааһыҥҥа, сылгыны үөскэтиигэ кэпэрэтиип тэрийиигэ, МТЗ тыраахтырга лизинг, «Дьиэ кэргэн фермерэ» агростартапка сыһыаннаан биэрдилэр.Үлэҕэ сыһыаннаан үлэ ыстааһын төнүннэриигэ боппуруос киирдэ.
110-наах үрдүк күүрүүлээх уот кэлиитин, уот мөлтөҕүн, баҕаналар, уот линията эргэрбитин, аныгы интеллектуальнай счетчик үлэлээбэтин эттилэр.Интернет тарива үрдүгүн, сыанатыгар сөбө суох хаачыстыбалааҕын ыйдылар. Салгыы гаастааһын боппуруоһугар тохтоон аастылар.
Аптека тыа сиригэр үлэлээбэтин, Аканаҕа бэкээринэ сабыллыбытынан, килиэби күнүн аайы Ньурбаттан таһалларынан сибээстээн, уопсай маҕаһыын туруорустулар.
Былаас отчуотугар 63 киһи кыттыыны ылла. Отчуоту олохтоохтор биһирииллэрин биллэрдилэр.
Антонина Семенова