Cэтинньи 16 күнүгэр Дьаархан нэһилиэгэр Ньурба оройуонугар Олох-дьаһах эйгэтин тупсарыы сылын чэрчитинэн «Муус-шоу» тэрилтэлэр икки ардыларыгар ыытыллыбыт муус ылыытын күрэһэ буолла.
Ол курдук муус ылыы күрэһин «Муус халты боотурдар» анал ааты ылла уһуйаан хамаандата, «Муус таас боотурдар» анал ааты — оскуола хамаандата, «Муус килиэ боотурдар» анал ааты — олохтоох дьаһалта хамаандата. Муҥутуур кыайыылааҕынан ЖКХ хамаандата буолла уонна 60 литр бензининэн наҕараадаланна.
Ылыллыбыт муус Анал байыаннай дьайыы кыттыылаахтарын дьиэ кэргэттэригэр, Аҕа дойду сэриитин тыыл бэтэрээннэригэр уонна сэрии кэминээҕи оҕолоругар бэриллиэҕэ.
Өссө төгүл бу муус ылыы күрэһигэр кыттыыны ылбыт тэрилтэлэрбитигэр барҕа махталбытын тиэрдэбит, инникитин да өрүү көхтөөхтүк биир сомоҕо буолан күрэскэ кытта тураргытыгар баҕарабыт.
Андриан Пахомов