Уулуссаҕа бэйдиэ сылдьар ыттар элбээбиттэринэн, нэһилиэнньэҕэ кутталы суоһаппаттарын, көрүүтэ-харайыыта суох сылдьар кыыллар ахсааннарын аҕыйатар туһуттан “Саха Өрөспүүбүлэкитин Дьиэ кыылларын көрөр-харайар быраабылатын” санатабыт:
— Ыт бааллан эбэтэр анал сиргэ хаайыллан туруохтаах;
— Ыты анал быалаах күүлэйдэтиллиэхтээх. Моойторугар дьиэ аадырыһа, сибээскэ тахсар төлөпүөн нүөмэрэ суруллара, ыт сүтэр түгэнигэр түргэнник тиксэриллэригэр тоҕоостоох;
— Дьиэ кыылын иитииттэн аккаастанан уулуссаҕа, араас миэстэлэргэ быраҕар, бэйдиэ ыытар көҥүллэммэт;
— Дьиэ кыыла бэтэринээринэй учуокка турбут, паспордаах уонна чиптаах буолуохтаах.
— Сыл аайы ыытыллар булгуччулаах бэтэринээринэй быһыылары (вакцинациялары) дьиэ кыыллара бириэмэтигэр уонна толору ылыахтаахтара ирдэнэр;
— Бэйдиэ сылдьар кыыллар ахсааннара, хаһаайыттардаах кыыллар хонтуруола суох уулуссаҕа сылдьалларыттан уонна кинилэр, бас билээччилэригэр наадата суох төрүөхтэриттэн, харайыыта суох хаалларыыларыттан элбии турарын өйдүөххэ;
— Дьиэ кыылын ууһатыынан дьарыктаммат буоллахха, былаана суох төрүөҕү ылбат туһуттан ыты, куосканы төрөөбөт гына эппэрээссийэлэтэр (стерилизация, кастрация) ордук;
— Хас биирдии бас билээччи, бэйэ дьиэтээҕи кыылларыгар эппиэтинэстээхтик сыһыаннаһыыта — бу буолар бэйдиэ, көрүүтэ -харайыыта суох сылдьар кыыллар ахсааннарын кыччатар булгуччулаах усулуобуйа;
— Стерилизация (кастрация) диэн дьиэ кыылларыгар баҕата, былаана суох төрүөхтэн харыстыыр ньыма буолар. Онон маны хаһаайыннаах да, хаһаайына да суох кыылларга оҥоһуллуохтаах;
— Стерилизацияламмыт кыыл доруобуйатыгар, майгытыгар- сигилитигэр охсууну ылбат;
— Кыылларга сиэрдээхтик, эппиэтинэстээхтик сыһыаннаһыы федеральнай сокуонунан бигэргэтиллэр;
— Араас өлөрөр ньыманы туттан, сүһүрдэн (дьааттаан) кыылы өлөрүү сокуоҥҥа сөп түбэспэт.
Тыынар тыыннаахха амарах, аһыныгас буолууну үүнэр көлүөнэбитигэр тириэрдиэххэ, бэйэ холобурунан иитиэххэ.
Ветеринарнай сулууспа