Балаҕан ыйын 21 к. Дьиикимдэ нэһилиэгэр саҥа оҥоһуллуохтаах квартал территориятын ыраастааһыҥҥа күүстээх, өрө күүрүүлээх субуотунньук буолан ааста.
Барыта оҕолуун-уруулуун 47 киһи кыттыыны ылла. 3 кылаастан саҕалаан оскуола оҕолоро эмиэ кыттыбыттара хайҕаллаах дьыала. Бары тэбис-тэҥҥэ биир тыынынан эргэ хотоннор оннуларын, күрүөлэрин-хаһааларын ыраастаан бэрт сэргэх күүстээх үлэ таҕыста!
Кыттыыны ылбыт бары нэhилиэк дьонугар-сэргэтигэр барҕа махтал буолуохтун!
Эһиилгиттэн саҕалаан бу миэстэҕэ саҥа квартал сирин-уотун оҥорон кэлин элбэх оҕолоох дьиэ кэргэттэргэ уонна баҕалаахтарга дьиэ-уот туттарга уһаайба бэриллиэҕэ.
Бу саҥа квартал оҥоһуллара нэһилиэкпит кэлин кэҥээн, тэнийэн дьон-сэргэ олохсуйан инникитин сайдыыга укулаат буоларын бары өйдүөх тустаахпыт.
Дьиикимдэ нэһилиэгин пресс-сулууспата.
@gazetanyurba @ulusmedia