Москуба куоракка #МЫВМЕСТЕ норуоттар икки ардыларынааҕы гражданскай форум буолан ааста.Ньурбаттан ыччат уонна имиджевай бэлиитикэ управлениетыттан ыччат бэлиитикэтин кылаабынай исписэлииһэ Юлиана Алексеевна Иванова кыттыыны ылла. Юлиана Ивановалыын куйаар ситимин нөҥүө кэпсэтиибин ааҕааччыларга тиэрдэбин.
— Маннык хабааннаах форум 2017 сылтан тэриллэн ыытыллар. Форум партнердарынан «Росатом» Госкорпорация «Экология» нацбырайыагынан кыттар.Официальнай партнерунан:Росконгресс Фонд, «Евразия» РЖД АНО буоллулар. Үөрэҕириигэ, наукаҕа сыһыаннаах араас киэҥ хабааннаах былаһааккалары тэрийэн ыыттылар, маны таһынан култуурунай бырагыраамаҕа дойду тэбэр сүрэҕэр Москуба куорат биллиилээх сирдэринэн форум кыттыылаахтарын экскурсияҕа сырытыннардылар.
Форум дойду сайдарыгар, дьоҥҥо-сэргэҕэ көмө туһалаах буоларыгар судаарыстыба, биисинэс уонна уопсастыба икки ардыгар ыкса сибээс олохтуур сыаллаах туһуланан ыытылынна. Ырыаһыттартан Россия народнай артыыһа Олег Газманов форум кыттыылаахтарын кытары көрүстэ.
Форум кэмигэр Россия Президенэ Владимир Путин кэлэн эҕэрдэлээтэ.
Спикердар патриотическай хабааннаах тиэмэлэринэн, араас маастар кылаастары тэрийэн ыыттылар. Мин харыстабыл сиэккэни өрүүгэ, байыастарга харыстабыллары оҥоруу маастар кылааһыгар сырыттым.
Төрөппүттэрэ суох тулаайах оҕолор көмөҕө наадыйалларын, көмүскэллээх буолалларын туһугар аһаҕас диалог тула кэпсэтии барда. Ахсынньы 5 күнүгэр #МЫВМЕСТЕ РФ Президенэ Владимир Путин «Ёлка желаний» Бүтүн Арассыыйатааҕы аахсыйаны арыйда. Араас сирдэртэн кыттыыны ылар оҕолор дойду Президениттэн үөрүүлээх быһыыга-майгыга открыткалары тутуохтара. Бу аахсыйа үгэскэ кубулуйан, быйыл 18 сылын ыытыллар.
***
Сахабыт сиригэр Аҕа дойду Дьоруойдарын күнүгэр анаан ахсынньы 3-9 күннэригэр Дьокуускай куоракка «Вместе к Победе» өрөспүүбүлүкэтээҕи байыаннай-патриотическай форумҥа Ньурба улууһуттан улуус дьаһалтатын аатыттан мин уонна «КөмүсКэл» иис сыаҕыттан Галина Дмитриевна Фёдорова салалталаах дэлэгээссийэ кыттыыны ылла. Форум анал байыаннай дьайыы кыттыылаахтарыгар эрэ буолбакка, аттыбытыгар сылдьар эйэлээх олоҕу уһансар дьоҥҥо ананан ыытылынна.
Дэлэгээссийэ кыттыылаахтара «Моя история» историческай пааркаҕа, «Россия в борьбе с современных фашизмом» экскурсияҕа, «Живая память благодарных поколений» аахсыйаҕа кыттыыны ыллыбыт.
Ыччат уопсастыбаннай тэрилтэтэ уонна оскуола оҕолоро кыттыылаах ыччаты патриотическай тыыҥҥа иитиигэ аналлаах секция буолла. «Урок мужества», «Разговоры о важном» быһа эфир тэрээһинигэр кытынныбыт.
Дэлэгээссийэ кыттыылаахтарын оҥоһуктарынан быыстапка тэрилиннэ.
Ахсынньы 9 күнүгэр «Вместе к Победе» өрөспүүбүлүкэтээҕи байыаннай-патриотическай форум түмүгэ таһаарылынна.
Форумтан киһи элбэҕи билэр, көрөр, Москубаҕа форумҥа Узбекистантан сылдьар биир санаалаахтарбын кытары билистим.
Форум туһалааҕы кытары үчүгэйи кытары алтыһыннарар.Бука бары эйэлээх олох кэлэригэр, дойдубут сайдарыгар баҕа санаалаах тарҕастыбыт.
Антонина Семенова