Олунньу 14 күнүгэр «Кыайыы уота” оройуоннааҕы патриотическай аахсыйа Малдьаҕар нэһилиэгиттэн Мэҥэдьэккэ кэллэ.
Эстафетаны Малдьаҕар баһылыга Степанов Александр Александровичка Мэҥэдьэк баһылыгар Николаев Леонид Александровичка үөрүүлээх быһыыга-майгыга туттарда.
Тэрээһиҥҥэ оскуола оҕолоро, тэрилтэ үлэһиттэрэ, олохтоохтор кыттыыны ыллылар. Икки нэдиэлэ устата уот Мэҥэдьэк нэһилиэгэр туруоҕа, Улуу Кыайыыга аналлаах араас тэрээһиннэр, акциялар тэрилтэлэринэн, нэһилиэккэ ыытыллыахтара.
«Кыайыы Уота» салгыы Маалыкайга тиийиэҕэ.
Матрена Габышева, Мэҥэдьэк